Mofad

‘S e baile beag dùthchasail faisg air Beattock,^[1] air an àirde an iar-dheas na h-Alba a tha anns a' Mhagh Fada^[2] neo Mofad (Beurla: Moffat).^[3] Tha e suidhichte aig 121m os cionn ìre na mara,^[4] air an àirde an ear Dhùin Phris is Gall-Ghaidhealaibh (Siorrachd Dhùn Phris ro 1975), eadar Cuingealach agus Hamhaig, ri taobh na h-Aibhne Anainn.^[5] Tha e 218km air falbh bho Obar Dheathain, 78km bho Ghlaschu, 31km bho Dhùn Phrìs agus 71km bho Dhùn Èideann, prìomh-bhaile na dùthchas. 'S e Beurla agus Beurla Ghallda th' ann an dà chànan aig a’ mhòr-chuid dhuibh anns a' Mhagh Fada. Tha eaconomaidh a' bhaile gu math crochte air àiteachas, turasachd agus coilltearachd. A bharrachd air sin, tha an t-àite làn seirbheisean dhen a h-uile sheòrsa. Taobh fhoghlaim, tha bun sgoil agus àrd sgoil^[6] ann. Ann an 2011 bha 2,135 duine a' fuireach an seo.^[7] Tha an t-Slighe Dhail Anainn air a bhith a' dol tron bhaile bho 2009^[8]

Mofad


Suidheachadh

Dùthaich	Alba
Comhairle	Comhairle Dhùn Phris is Ghall-Ghàidhealaibh
Co-chomharran	55° 33' Tuath 03° 44′ Iar
Comharradh-clèithe	NT 094 052
Feartan fiosaigeach
Àireamh-shluaigh	2,135 (2011)
Àireamh fòn	01683
Duilleag oifigeil	Duilleag a' Bhaile

Freumhan an Ainm

A rèir eòlaichean fhreumh-fhaclachd, tha a h-uile coltas ann gur ann às a' Ghàidhlig fhèin a tha ainm a' bhaile na "Am Magh Fada".^[9] Nochd a' Ghàidhlig ann an ceann a deas na h-Alba anns an 7mh Linn agus bha an cànan fhathast làidir ann an Siorrachd Dhùn Phrìs fhèin anns an 14mh Linn.^[10] A bharrachd air sin, tha cruth na tìre a' toirt cuideam dhan teòiridh seo.

Eachdraidh

Chaidh am baile a chlàradh airson a' chiad turais ann an 1296 mar Moffete.^[11] A-rèir carragh-chuimhne a' bhaile, fhuair 80 duine à Mofad bàs sa Chogadh Mòr^[12] agus ceithrear duine eile san Dàrna Cogadh.