Fazanten
From Wikipedia, the free encyclopedia
Remove ads
De fazanten (wittenskiplike namme: Phasianus) foarmje in skaai fan 'e klasse fan 'e fûgels (Aves), it boppeskift fan 'e goes- en hineftigen (Galloanserae), it skift fan 'e hineftigen (Galliformes), de boppefamylje fan 'e fazantfûgels (Phasianoidea), de famylje fan 'e fazanteftigen (Phasianidae), de ûnderfamylje fan 'e echte fazanten (Phasianinae) en de tûke fan 'e echte fazantfûgels (Phasianini). Ta dit skaai hearre twa soarten, wêrûnder de (gewoane) fazant (Phasianus colchicus), dy't as eksoat ek yn Fryslân foarkomt. De fazanten steane bekend om harren grutte seksuele dimorfy.
Remove ads
Remove ads
Taksonomy
It skaai fan 'e fazanten waard yn 1758 troch de Sweedske biolooch Carolus Linnaeus yntrodusearre yn 'e tsiende edysje fan syn Systema Naturæ. De wittenskiplike namme Phasianus is it Latynske wurd foar "fazant". Etymologysk komt it fan it Aldgrykske φἀσιἀνος, fasianos, dat letterlik "[fûgel] fan 'e Fasis" betsjut. Sokke fûgels waarden sjoen troch de Argonauten oan 'e igge fan 'e rivier de Fasis (no de Rioni) yn it lân Kolchis oan 'e eastkant fan 'e Swarte See (no westlik Georgje).
Remove ads
Soarten
Ta de fazanten hearre twa libbene soarten: de (gewoane) fazant (Phasianus colchicus) út Aazje, dy't as eksoat yn Jeropa en Noard-Amearika yntrodusearre is en dêr alhiel húsriem wurden is, en de griene fazant (Phasianus versicolor) út Japan. In trêde soarte, de Bulgaarske fazant (Phasianus bulgaricus) waard yn 2020 foar it earst wittenskiplik beskreaun oan 'e hân fan fossilen dy't fûn wiene yn Bulgarije. Dy datearje út it Mioseen, mear as 5 miljoen jier lyn.
|
Remove ads
Boarnen, noaten en referinsjes
Wikiwand - on
Seamless Wikipedia browsing. On steroids.
Remove ads