From Wikipedia, the free encyclopedia
Aldehaske (earder Hasca) is in doarp yn de gemeente De Fryske Marren dat om de krusing Jousterwei - Badwei ûntstien is. Aldehaske groeit stadichoan tsjin It Hearrenfean oan.
Aldehaske | ||
![]() | ||
Tsjerke fan Aldehaske | ||
Polityk | ||
provinsje | ![]() | |
gemeente | ![]() | |
Sifers | ||
Ynwennertal | 1.890 (1 jannewaris 2023)[1] | |
Oar | ||
Ferkearsieren | A7 | |
Postkoade | 8465 | |
Tiidsône | UTC +1 | |
Simmertiid | UTC +2 | |
Koördinaten | 52° 57' NB, 5° 52' EL | |
![]() | ||
Strjitte yn Aldehaske | ||
Offisjele webside | ||
Webstee fan Aldehaske | ||
Kaart | ||
Kaart | ||
![]() | ||
Himrik fan Alde Ouwer yn de eardere gemeente Skarsterlân |
Aldehaske hie op 1 jannewaris 2023 1.890 ynwenners.
It doarp, dat oant it ûntstean fan Nijehaske gewoan De Haske hiet, is it âldste doarp fan de eardere gritenij en gemeente Haskerlân. It moat al yn de 13e iuw bestien hawwe en krige om 1300 hinne in eigen kapel. De namme 'Haske' ferwiist nei in stik lân, begroeid mei strewellen en lytse beamkes. Troch de feanterij yn it gebiet, dy't al yn de 16e iuw geande wie, koe it doarp him ûntjaan.
Doe't 200 jier letter de Gitersken nei it gebiet kamen om fean ôf te graven, groeide it ynwennertal fan beide doarpen hurd. Dizze lju út de kop fan Oerisel brocht in nije ferfeantingsmetoade nei Fryslân, dy't grutte wetterplassen ta gefolch hie. Troch dy wize fan feanterij is it natuergebiet Nannewiid ûntstien, dat súdwest fan Aldehaske leit.
Aldehaske lei oant 1984 yn sawol de gritenij as de gemeente Haskerlân, dy't dêrnei opgie yn de gemeente Skarsterlân. Yn 2014 gie dy gemeente op yn de nije gemeente De Fryske Marren.
It wapen hat in giele bargekop op in grien flak. Boppe it weagjende patroan stiet in sulverkleurich skyld mei in springende reade hazze tusken twa turven. It griene flak ferwiist nei de greiden om Aldehaske; de bargekop komt fan it ferske Yn 'e Haske hinget in barch yn 'e beam. De sulveren weagen binne fan it Nannewiid en de hazze is in ferwizing nei Aldehaske yn it eardere Haskerlân.
Der binne meardere legindes oer de baarch; dit is in bekende: de slachter fan Aldehaske (Andries Obbes) hie ris in baarch farsk slachte en oan in appelbeam hong om út te lekjen (it slachte bist waard dan faak op in ljerre spand). Krekt op dat stuit kaam in tram foarby en de fleurige reizgers begûnen dit ferske te sjongen:
(ensafuorthinne, ensfh.. de hiele wei nei De Jouwer ta; eartiids rûn in tram fan It Hearrenfean oer Aldehaske nei De Jouwer)
Yn de pleats fan Jan Hettinga siet in partikulier teater: It Fladdeteater. De kabaretgroep Samar treedt dêr op.
De doarpskrante fan Aldehaske hjit "De Baerch". Der binne twa basisskoallen, de kristlike "De Tarissing"en de iepenbiere "It Haskerplak". It pjutteboartersplak hjit "'t Bargeboskje" yn it doarpshûs. Fierder is der in berneopfang "De Lytse Haskes. It doarpshûs is hûsmanne yn it Kulturhûs, dat in multyfunksjoneel sintrum is.
Alle strjitten yn Aldehaske.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.