Taylor Hawkins

Oliver Taylor Hawkins (Fort Worth, 17 febrewaris 1972 – Bogotá, 25 maart 2022) wie in Amerikaansk drummer. Hy waard benammen bekend fan de band Foo Fighters.

Taylor Hawkins
sjonger en/of muzikant
Taylor Hawkins yn 2017
persoanlike bysûnderheden
echte namme	Oliver Taylor Hawkins
nasjonaliteit	Amerikaansk
berne	17 febrewaris 1972
berteplak	Fort Worth
stoarn	25 maart 2022
stjerplak	Bogotá, Kolombia
wurkpaad
sjenre	Rock Hardrock
sjongtaal	Ingelsk
ynstrumint	Drums
grutste hit(s)	Walk Rope The Pretender
jierren aktyf	1990–2022

Karriêre

Hawkins begûn by de eksperimintele band Sylvia en wie yn 1994 drummer yn de begeliedingsband fan Sass Jordan ûnder har Europeeske toernee. By it lêste optreden yn Hollywood learde er Alanis Morissette kinnen, fan 1995 oant maart 1997 wie er drummer by Morrisette's begeliedinngsband Sexual Chocolate, hy wie ek te sjen yn in tal fideoclips fan Alanis Morissette.

Taylor Hawkins yn 2018

Begjin 1997 krige Hawkins in tillefoantsje fan Dave Grohl mei de fraach of't er in drummer wist foar syn band Foo Fighters om 't se krekt harren drummer William Goldsmith ûntslein hiene. Taylor bea himsels oan en sadwaande waard hy de nije drummer fan de Foo Fighters. Hawkins wie foar it earst te sjen as drummer fan de band yn de fideoclip fan it nûmer Monkey Wrench hoewol't it nûmer sels ynspyle wie troch Grohl. Njonken drumme song Taylor ek in tal nûmers yn, ynstee fan Dave Grohl; sa is er te hearren op de nûmers Cold Day in the Sun en op in tal covers dy't de band opnaam hat.

Yn de simmer fan 2001 naam Taylor Hawkins wilens in toernee yn Europa in oerdoasis heroïne, wêrtroch't er twa wiken yn koma lei.

Njonken Foo Fighters hat Taylor Hawkins oan in tal oare projekten en bands meiwurke. Sa brocht er mei syn eigen band Taylor Hawkins & The Coattail Riders trije albums út.

Yn 2012 waard bekend makke dat Hawkins de rol fan Iggy Pop op him nimme soe yn de film CBGB oer de klup mei deselde namme. Yn 2014 ferskynde in album fan it projekt, The Birds of Satan, dêr't ek ferskate Foo Fighters op meispylje. Ek spile Taylor Hawkins yn in Police-coverband. Police-drummer Stewart Copeland wie ien fan syn foarbylden.

Priveelibben

Taylor Hawkins waard berne yn Fort Worth Teksas, as jongste yn in gesin fan trije. Yn 1976 ferhuze de famylje nei Laguna Beach Kalifornje dêr't er fierder opgroeide. Hawkins boaske yn 2005 en krige mei syn frou trije bêrn.

Ferstjerren

Yn 2022 soe Hawkins mei de Foo Fighters op toernee troch Súd-Amearika, mar op 25 maart 2022, krekt foar in optreden yn Bogotá oan it begjin fan it toernee, waard Taylor dea fûn yn syn hotelkeamer.^[1][2]. Hawkins waard 50 jier âld. Letter die bliken dat er stoarn wie oan in kombinaasje fan drugs en medisinen.

Yn septimber dat jier joegen de Foo Fighters twa konserten ta neitins oan Hawkins, de earste yn it Wembley Stadium yn Londen, en de twadde yn it Kia Forum yn Los Angeles. Syn soan Shane Hawkins, spile yn it Wembley Stadium by it nûmer "My Hero" op de drums.

Diskografy

Albums

Album	Utbrocht op	Band	Single(s)
There Is Nothing Left to Lose	2 novimber 1999	Foo Fighters	Learn to Fly, Stacked Actors, Generator, Breakout, Next Year
One by One	22 oktober 2002		All My Life, Times Like These, Low, Have It All
In Your Honor	14 juny 2005		Best of You, DOA, Resolve, No Way Back/Cold Day in the Sun
Taylor Hawkins and the Coattail Riders	21 maart 2006	Taylor Hawkins & The Coattail Riders	Louise/It's OK Now
Echoes, Silence, Patience & Grace	25 septimber 2007	Foo Fighters	The Pretender, Long Road to Ruin, Cheer Up, Boys (Your Make Up Is Running), Let It Die
Red Light Fever	20 april 2010	Taylor Hawkins & The Coattail Riders
Wasting Light	12 april 2011	Foo Fighters	Rope, White Limo, Walk, Arlandria, These Days, Bridge Burning
The Birds of Satan	15 april 2014	The Birds of Satan	Thanks for the Line
Sonic Highways	10 novimber 2014	Foo Fighters	Something from Nothing, The Feast and the Famine, Congregation, What Did I Do? / God as My Witness, Outside
Concrete and Gold	15 septimber 2017		Run, The Sky Is a Neighborhood, The Line
Get the Money	8 novimber 2019	Taylor Hawkins & The Coattail Riders
Medicine at Midnight	5 febrewaris 2021	Foo Fighters	Shame Shame, No Son of Mine, Waiting on a War, Making a Fire, Love Dies Young

As gastmuzikant

Nûmer(s)	Album	Utbrocht yn	Mei band
Parasite, Mr. Darkness, Evil Shuffle	Patient Number 9	2000	Ozzy Osbourne

Boarnen, noaten en referinsjes