An Officer and a Gentleman (film)
film út 1982 fan Taylor Hackford / From Wikipedia, the free encyclopedia
An Officer and a Gentleman is in Amerikaanske romantyske dramafilm út 1982 ûnder rezjy fan Taylor Hackford, mei yn 'e haadrollen Richard Gere, Debra Winger en Louis Gossett jr. De film giet oer Zack Mayo, dy't as kadet oan 'e swiere ofsiersoplieding fan 'e Amerikaanske Marine begjint, mei as doel om piloat by de marineloftstriidkrêften te wurden. Dêrfoar moat er lykwols earst slagje foar de ûnmeilydsume training fan 'e bikkelhurde sersjant-ynstrukteur Foley, wylst er yn deselde snuorje in relaasje begjint mei Paula, in pleatslike jonge frou. An Officer and a Gentleman waard goed ûntfongen troch de filmkritisy, en ûntjoech him ek ta in grut kommersjeel súkses yn 'e bioskopen. De film waard bekroane mei ferskate prizen, wêrûnder twa Oscars, twa Golden Globes en in Grammy Award.
An Officer and a Gentleman | ||
![]() | ||
(Filmposter yn 'e Ingelske Wikipedy) | ||
![]() | ||
makkers | ||
regisseur | Taylor Hackford | |
produsint | Martin Elfand Douglas Day Stewart | |
senario | Douglas Day Stewart | |
kamerarezjy | Donald E. Thorin | |
muzyk | Jack Nitzsche | |
filmstudio | Lorimar Productions | |
distribúsje | Paramount Pictures | |
spilers | ||
haadrollen | Richard Gere Debra Winger Louis Gossett jr. | |
byrollen | David Keith Lisa Blount Lisa Eilbacher David Caruso Robert Loggia | |
skaaimerken | ||
lân/lannen | ![]() | |
premiêre | 28 july 1982 | |
foarm | langspylfilm | |
sjenre | romantyske dramafilm | |
taal | Ingelsk | |
spyltiid | 124 minuten | |
budget en resultaten | ||
budget | $6-7 miljoen | |
opbringst | $129,8 miljoen (Noard-Am.) | |
prizen | 2× Oscar 2× Golden Globe 1× Grammy Award 1× BAFTA |