From Wikipedia, the free encyclopedia
Michael Cimino (New York, 1939ko otsailaren 3a - Los Angeles, 2016ko uztailaren 2a)[1] estatubatuar zinema zuzendaria izan zen. Haren biografia 1970eko hamarkadako Hollywoodean ziztu biziko gorakaden eta beherakaden eredua da: The Deer Hunter filmarekin 1978ko Oscar Sariaren irabazi ostean, porrot komertzial izugarria izan zuen Heaven's Gate lanarekin.
Michael Cimino | |
---|---|
Bizitza | |
Jaiotza | New York, 1939ko otsailaren 3a |
Herrialdea | Ameriketako Estatu Batuak |
Heriotza | Los Angeles, 2016ko uztailaren 2a (77 urte) |
Heriotza modua | : bihotz-gutxiegitasuna |
Familia | |
Familia | ikusi
|
Hezkuntza | |
Heziketa | Yale Unibertsitatea Michigan Estatuko Unibertsitatea Yale School of Art Westbury High School (en) |
Hizkuntzak | ingelesa |
Jarduerak | |
Jarduerak | film-zuzendaria, gidoilaria, zinema ekoizlea eta errealizadorea |
Lantokia(k) | Ameriketako Estatu Batuak |
Jasotako sariak | ikusi
|
Kidetza | Writers Guild of America, West (en) |
|
Aurretik bi filmen gidoiak baino ez zituela idatzirik, 1974an Thunderbolt and Lightfoot zuzendu zuen, Clint Eastwoodekin. 1978an The Deer Hunter filma egin zuen, Vietnamgo Gerrari buruzkoa, eta 1970eko hamarkadako zinemako maisu lantzat hartzen dena. Oso harrera beroa izan zuen, eta hari esker Oscar andana irabazi zuen, tartean zuzendari onenarena.
Entzute horretan oinarrituta, United Artists estudioak askatasun handia eman zion Heaven's Gate filmatzeko. Baina lan horrekin zinemagile madarikatu bihurtu zen, Estatu Batuetako Mendebaldearen konskistaren garaian bertako biztanleen genozidioari buruzko lan hori zinemaren historiako finantza katastrofe handienetako bat izan baitzen. Horrezaz gain, film horrek oso eragin txarra izan zuen Ciminoren hurrengo filmetan; 1985. urtean Year of the Dragon egin zuen, eta 1987an The Sicilian. Kalitateko filmak badira ere, ez zuten aurreko lanen maila erdietsi.
Ciminorentzat garrantzi handikoak dira etxea, klana, aberria kontzeptuak eta hala erakusten du Deer Hunter lanean. Ideia horiez gainera, errituen nondik norakoak azaltzen ditu: ezkontza komunitate eslaviarrean Deer Hunter-en, edo eskolako dantza Heaven´s Gate lanean. Igarotzen den denbora, desagertzen diren adiskideak, ez du inork Ciminok bezain ondo erakutsi. Benekotasuna lortzeko soinu banda konplexuak erabiltzen ditu, edo, bestela, figurante profesionalak hartu beharrean filma grabatzen den herriko bertako biztanleak erakusten ditu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.