Konfigurazio elektroniko

Konfigurazio elektronikoa, fisika atomikoan eta kimikan, atomo bateko, molekula bateko edo beste edozein egitura fisikotako (esaterako, kristal bateko) elektroiek daukaten antolamenduari deritzo.

Elektroien orbital atomiko eta molekularrak

Elementuen konfigurazio elektronikoa ulertzeko bideoa.

---

Bideo hau Jakindun elkarteak egin du. Gehiago dituzu eskuragarri euren gunean. Bideoak dituzten artikulu guztiak ikus ditzakezu hemen.

Beste partikula elemental batzuk bezala, elektroiek mekanika kuantikoaren legeen arabera jokatzen dute, eta bi motatako portaera erakusten dute: partikula gisakoa eta uhin gisakoa. Ikuspuntu formaletik, elektroi jakin baten kuantu-egoera bere uhin-funtzioaren arabera definituta dago, hau da, espazioa eta denbora integratzen dituen funtzio konplexu baten arabera. Mekanika kuantikoaren Copenhagen-eko interpretazioari kasu eginez, elektroi jakin baten kokapena ez dago ondo definiturik neurketa-ekintza batek berau detektatzen duen arte. Neurketa-ekintzak elektroia espazioaren puntu jakin batean detektatzeko duen aukera, uhin-funtzioak puntu horretan duen balio absolutuaren karratuarekiko proportzionala da.

Elektroiak energia-maila batetik beste batera higitzen dira energia-kuantu bat, fotoi eran, igortzen edo xurgatzen dutenean. Pauliren bazterketa printzipioaren arabera, orbital atomiko batean ezin dira existitu bi elektroi baino gehiago; hortaz, elektroi bat beste orbital batera higituko da bertan leku bat libre badago.

Atomoen konfigurazio elektronikoa ezagutzea oso erabilgarria da elementuen taula periodikoaren egitura ulertzeko. Atomoak elkarrekin lotuta mantentzen dituzten lotura kimikoak deskribatzeko ere erabiltzen da kontzeptu hau. Ideia honek laserren eta erdieroaleen propietate bereziak azaltzeko ere balio du.

Geruzak eta azpigeruzak

	s (ℓ=0)	p (ℓ=1)
	m=0	m=0	m=±1
	s	pz	px	py
n=1
n=2

Konfigurazio elektronikoa Bohr ereduaren bitartez asmatu zen. Elektroiaren izaera mekaniko-kuantikoari lotuta elektroiaren ulerpenean aurrerapenak izan diren arren, ohikoa da geruza eta azpigeruzei buruz hitz egitea oraindik.

Elektroi-geruza bat oinarrizko zenbaki kuantiko (n) berdina partekatzen duten egoera baimenduen zerrenda da. Atomo baten n. elektroi-geruzak 2n² elektroi osta ditzake; adibidez, lehenengo geruzak 2 elektroi har dezake, bigarrenak 8, hirugarrenak 18, eta abar. 2 berretzailearen jatorria elektroi biraren egoerak ematen du. Orbital atomiko bakoitzak kontrako spina duten bi elektroi baimentzen ditu, bat +1/2 spinarekin (goranzko gezi batekin denotatuta normalean), eta bestea -1/2 spinarekin (beheranzko geziarekin).

Azpigeruza bat geruza baten barneko egoera taldea da, zenbaki kuantiko azimutal komun batek definituta, ℓ. ℓ = 0, 1, 2, 3 balioek s, p, d eta f etiketei dagozkie, hurrenez hurren. Esate baterako, 3d azpigeruzak n = 3 eta ℓ = 2 edukiko ditu. Azpigeruza batean kokatuta egon daitekeen elektroi kopuru maximoak 2(2ℓ+1) adierazpenak mugatzen du. Honek bi elektroi ematen dio s azpigeruzari, sei elektroi p azpigeruzari, hamar elektroi d azpigeruzari eta hamalau elektroi f azpigeruzari. Geruzek eta azpigeruzek osta ditzaketen elektroi kopurua mekanika kuantikoaren ekuazioetatik dator, bereziki Pauliren bazterketa printzipiotik. Honek zehazten du atomo bereko bi elektroik ezin dituztela lau zenbaki kuantiko berdinak izan.

Notazioa

Notazio estandarra erabiltzen da atomoen eta molekulen konfigurazio elektronikoa ezaugarritzeko. Atomoentzako, notazioak orbital atomikoen definizioa du (n ℓ itxuran, adibidez, 1s, 2p, 3d, 4f orbital bakoitzari esleitutako elektroi kopurua aginduz (edo azpigeruza beraren orbital multzoari) goi-indize baten bitartez. Adibidez, hidrogenoak elektroi bat du lehenengo geruzaren s orbitalean, hortaz bere adierazpena 1s¹ da. Litioak bi elektroi ditu 1s azpigeruzan eta bat 2s azpigeruzan (energia handiagokoa). Hori dela eta, bere konfigurazioa 1s² 2s¹ idazten da (bat-ese-bat, bi-ese-bat ahoskatua). Fosforoarentzako (zenbaki atomikoa: 15), horrela idatziko da: 1s² 2s² 2p⁶ 3s² 3p³.

Elektroi kopuru handia duten atomoentzako notazio hau oso luzea izan daiteke, eta horregatik, notazio laburtua erabiltzen da, lehenengo azpigeruzak gas noble batenak direla kontuan hartzen. Adibidez, fosforoa argon eta neonetik (1s² 2s² 2p⁶) aldentzen da bakarrik hirugarren geruzaren presentziaren ondorioz. Horrela, neonaren konfigurazio elektronikoarekiko adieraz daiteke fosforoaren konfigurazio elektronikoa: [Ne] 3s² 3p². Notazio hau erabilgarria da gogoan hartzen bada elementuen propietate kimiko gehienak kanpoko geruzetatik baldintzatuta datozela.

Orbitalen idazte ordena orbitalen egonkortasun erlatibotik dator, energia orbital txikiena dutenak idatziz lehentasunez. Honen esangura da, idazkerak erregela batzuk jarraitzen dituen arren, salbuespenak aurkitzen direla. Atomoen gehienezkoak Madelung erregelak zehaztutako ordena jarraitzen du. Horren arabera, burdinaren konfigurazio elektronikoa honela idatziko litzateke: [Ar] 4s² 3d⁶. Beste notazio eredu batek orbitalak antolatzen ditu lehenengo zenbaki kuantikoaren arabera, burdinaren adierazpena era honetan aldatuz: [Ar] 3d⁶ 4s² (argonaren konfigurazioan inplizituak aurkitzen diren 3s eta 3p orbitalekin elkartuz 3d orbitala). Elektroi batek betetako orbitalen 1 goi-indizea ez da derrigorrezkoa.

Jatorri historikoa

Niels Bohr (1923) izan zen elementuen propietateen periodizitatea atomoaren elektroi egituran azalduta egon zitekeela proposatu zuen lehenengo pertsona.^[1] Haren proposamenak oraingo Bohren atomo ereduan oinarrituta daude, non elektroi geruzak orbitalak ziren nukleotik distantzia batera zehaztuta. Gaur egun, Bohren jatorrizko konfigurazioa erabili beharrean, era laburtua erabiltzen da: sufrea 2, 4, 4, 6 eran, 1s² 2s² 2p⁶ 3s² 3p⁴ (2.8.6) idatzi beharrean. Hurrengo urtean, E. C. Stonerrek Sommerfeldren hirugarren zenbaki kuantikoa barneratu zion elektroi geruzen deskribapenari, eta zuzenki aurreikusi zuen sufrearen egitura 2, 8, 6 eran. Hala ere, Bohren eta Stonerren sistemek ezin zuten zuzenki deskribatu eremu magnetiko baten barneko espektro atomikoa (Zeeman efektua). Bohrek ezagutzen zituen eragozpen hauek (eta beste batzuk), eta Wolfgang Pauli bere lagunari idatzi zion laguntza eske teoria kuantikoa salbatzeko asmoz (gaur egun “teoria kuantiko zaharra” gisa ezagutzen dena). Pauli konturatu zen Zeeman efektuaren eragile bakarra atomoaren kanpoaldeko geruza zela. Hortaz, Pauli Stonerren geruza egitura erreproduzitzeko gai izan zen, baina azpigeruzen egitura zuzena erabiliz, laugarren zenbaki atomikoaren barnerapenarekin bere inklusio printzipioaren (1925) ^[2] bitartez.

Debekatuta dago n zenbaki kuantiko nagusia duten elektroi bat baino gehiagok beste hiru zenbaki kuantiko berdinak izatea k [l], j [ml] eta m [ms]. Schrödingerren ekuazioak^[3], 1926an argitaratuak, adierazten du lau zenbaki kuantikoetatik hiru hidrogeno atomoarentzako haren ebazpenaren ondorio zuzenak direla. Soluzio hau gaur egungo kimikako testuliburuetan aurkitzen den orbital atomikoak ematen ditu. Espektro atomikoaren ikerkuntzak atomoen konfigurazio elektronikoa esperimentalki zehazteko aukera eman zuen, eta arau enpiriko bati (Madelung erregelaz (1936)^[4] ezagutua) bidea eman zion orbital atomikoen elektroi antolaketa zehazteko.

Antolaketa elektronikoa

Azpi-maila eta orbitaletan antolatutako elektroien antolaketa da. Elementuen konfigurazio elektronikoa Moellerren diagramaren bitartez irudikatzen da. Moellerren diagrama ulertzeko hurrengo taula erabiltzen da:

	s	p	d	f
k = 1	1s
l = 2	2s	2p
m = 3	3s	3p	3d
n = 4	4s	4p	4d	4f
o = 5	5s	5p	5d	5f
p = 6	6s	6p	6d	6f
q = 7	7s	7p	7d	7f

Distribuzio elektronikoa aurkitzeko diagonaletan idazten dira notazioak, goitik behera eta eskuinetik ezkerrera (koloreak jarraitu).

1s

2s

2p 3s

3p 4s

3d 4p 5s

4d 5p 6s

4f 5d 6p 7s

5f 6d 7p

Eraiketa printzipio hau (Aufbau printzipio izenarekin, alemanetik “eraikuntza”) Bohri esleitutako konfigurazio elektronikoko kontzeptu oso garrantzitsua izan zen. Era honetan formula daiteke:^[5]

Orbitalak bakarrik egon daitezke okupatuta bi elektroiez gehienez, maila energetikoen orden gorakorrarekin: energia gutxiagoko orbitalak energia handiagokoak baino lehen betetzen dira.

Hala, elementuen atomoak duten egitura elektronikoa deskribatzeko orbitalen maila energetikoaren ordena erabil daitekeela ikusten da. Azpi-maila bat 1 edo 2 elektroirekin bete daiteke. p azpi-mailak 1 eta 6 arteko elektroi izan ditzake; d azpi-mailak 1 eta 10 bitartean eta f azpi-mailak 1 eta 14 elektroi bitartean. Orain, posiblea da deskribatzea atomoen egitura elektronikoa elektroien azpi-maila edo distribuzio orbitala zehazten. Elektroiak energia gutxiagoko orbitaletan kokatuko dira lehenengo; hauek guztiz beteta daudenean, energia handiagoko hurrengo azpi-maila erabiltzen da. Hau hurrengo taularen bitartez adierazi daiteke:

	s	p	d	f
n = 1	2
n = 2	2	6
n = 3	2	6	10
n = 4	2	6	10	14
n = 5	2	6	10	14
n = 6	2	6	10
n = 7	2	6

Konfigurazio elektronikoa aurkitzeko aurreko prozedura berbera erabiltzen da, orbital bakoitzeko elektroi kopuru maximoa gaineratuz.

1s2

2s2

2p6 3s2

3p6 4s2

3d10 4p6 5s2

4d10 5p6 6s2

4f14 5d10 6p6 7s2

5f14 6d10 7p6

Azkenik, konfigurazioa hurrengo moduan geratzen da: 1s² 2s² 2p⁶ 3s² 3p⁶ 4s² 3d¹⁰ 4p⁶ 5s² 4d¹⁰ 5p⁶ 6s² 4f¹⁴ 5d¹⁰ 6p⁶ 7s² 5f¹⁴ 6d¹⁰ 7p⁶. Elementu baten konfigurazio elektronikoa zehazteko, zenbat elektroi moldatu behar diren kalkulatzearekin aski da, eta gero azpigeruzetan antolatu behar dira energia gutxikoetatik hasiz eta azpigeruzak betez. Beste elementu batekin konparatuz, unitate batez zenbaki atomiko handiagoa duen elementu batek elektroi unitate bat gehiago izango du. Energia azpigeruzak horrela areagotzen dira:

- s, p, d, f azpi-mailak: energia areagotzen da.

Dena den, salbuespenak existitzen dira trantsizio elementu batzuk kobre eta kromoaren kokapenean jartzean, non elektroia bultzatu egiten baita ez-ohiko konfigurazio bat emanez.

Elementu kimikoen konfigurazio elektronikoen zerrenda

Atomo-zenbaki	Elementua	Ikur kimiko	Notazio laburra	Notazio luzea
1	Hidrogeno	H	1s1	1s1
2	Helio	He	1s2	1s2
3	Litio	Li	[He] 2s1	1s2 2s1
4	Berilio	Be	[He] 2s2	1s2 2s2
5	Boro	B	[He] 2s2 2p1	1s2 2s2 2p1
6	Karbono	C	[He] 2s2 2p2	1s2 2s2 2p2
7	Nitrogeno	N	[He] 2s2 2p3	1s2 2s2 2p3
8	Oxigeno	O	[He] 2s2 2p4	1s2 2s2 2p4
9	Fluor	F	[He] 2s2 2p5	1s2 2s2 2p5
10	Neon	Ne	[He] 2s2 2p6	1s2 2s2 2p6
11	Sodio	Na	[Ne] 3s1	1s2 2s2 2p6 3s1
12	Magnesio	Mg	[Ne] 3s2	1s2 2s2 2p6 3s2
13	Aluminio	Al	[Ne] 3s2 3p1	1s2 2s2 2p6 3s2 3p1
14	Silizio	Si	[Ne] 3s2 3p2	1s2 2s2 2p6 3s2 3p2
15	Fosforo	P	[Ne] 3s2 3p3	1s2 2s2 2p6 3s2 3p3
16	Sufre	S	[Ne] 3s2 3p4	1s2 2s2 2p6 3s2 3p4
17	Kloro	Cl	[Ne] 3s2 3p5	1s2 2s2 2p6 3s2 3p5
18	Argon	Ar	[Ne] 3s2 3p6	1s2 2s2 2p6 3s2 3p6
19	Potasio	K	[Ar] 4s1	1s2 2s2 2p6 3s2 3p6 4s1
20	Kaltzio	Ca	[Ar] 4s2	1s2 2s2 2p6 3s2 3p6 4s2
21	Eskandio	Sc	[Ar] 3d1 4s2	1s2 2s2 2p6 3s2 3p6 3d1 4s2
22	Titanio	Ti	[Ar] 3d2 4s2	1s2 2s2 2p6 3s2 3p6 3d2 4s2
23	Banadio	V	[Ar] 3d3 4s2	1s2 2s2 2p6 3s2 3p6 3d3 4s2
24	Kromo	Cr	[Ar] 3d5 4s1	1s2 2s2 2p6 3s2 3p6 3d5 4s1
25	Manganeso	Mn	[Ar] 3d5 4s2	1s2 2s2 2p6 3s2 3p6 3d5 4s2
26	Burdin	Fe	[Ar] 3d6 4s2	1s2 2s2 2p6 3s2 3p6 3d6 4s2
27	Kobalto	Co	[Ar] 3d7 4s2	1s2 2s2 2p6 3s2 3p6 3d7 4s2
28	Nikel	Ni	[Ar] 3d8 4s2	1s2 2s2 2p6 3s2 3p6 3d8 4s2
29	Kobre	Cu	[Ar] 3d10 4s1	1s2 2s2 2p6 3s2 3p6 3d10 4s1
30	Zink	Zn	[Ar] 3d10 4s2	1s2 2s2 2p6 3s2 3p6 3d10 4s2
31	Galio	Ga	[Ar] 3d10 4s2 4p1	1s2 2s2 2p6 3s2 3p6 3d10 4s2 4p1
32	Germanio	Ge	[Ar] 3d10 4s2 4p2	1s2 2s2 2p6 3s2 3p6 3d10 4s2 4p2
33	Artseniko	As	[Ar] 3d10 4s2 4p3	1s2 2s2 2p6 3s2 3p6 3d10 4s2 4p3
34	Selenio	Se	[Ar] 3d10 4s2 4p4	1s2 2s2 2p6 3s2 3p6 3d10 4s2 4p4
35	Bromo	Br	[Ar] 3d10 4s2 4p5	1s2 2s2 2p6 3s2 3p6 3d10 4s2 4p5
36	Kripton	Kr	[Ar] 3d10 4s2 4p6	1s2 2s2 2p6 3s2 3p6 3d10 4s2 4p6
37	Rubidio	Rb	[Kr] 5s1	1s2 2s2 2p6 3s2 3p6 3d10 4s2 4p6 5s1
38	Estrontzio	Sr	[Kr] 5s2	1s2 2s2 2p6 3s2 3p6 3d10 4s2 4p6 5s2
39	Itrio	Y	[Kr] 4d1 5s2	1s2 2s2 2p6 3s2 3p6 3d10 4s2 4p6 4d1 5s2
40	Zirkonio	Zr	[Kr] 4d2 5s2	1s2 2s2 2p6 3s2 3p6 3d10 4s2 4p6 4d2 5s2
41	Niobio	Nb	[Kr] 4d4 5s1	1s2 2s2 2p6 3s2 3p6 3d10 4s2 4p6 4d4 5s1
42	Molibdeno	Mo	[Kr] 4d5 5s1	1s2 2s2 2p6 3s2 3p6 3d10 4s2 4p6 4d5 5s1
43	Teknezio	Tc	[Kr] 4d5 5s2	1s2 2s2 2p6 3s2 3p6 3d10 4s2 4p6 4d5 5s2
44	Rutenio	Ru	[Kr] 4d7 5s1	1s2 2s2 2p6 3s2 3p6 3d10 4s2 4p6 4d7 5s1
45	Rodio	Rh	[Kr] 4d8 5s1	1s2 2s2 2p6 3s2 3p6 3d10 4s2 4p6 4d8 5s1
46	Paladio	Pd	[Kr] 4d10	1s2 2s2 2p6 3s2 3p6 3d10 4s2 4p6 4d10
47	Zilar	Ag	[Kr] 4d10 5s1	1s2 2s2 2p6 3s2 3p6 3d10 4s2 4p6 4d10 5s1
48	Kadmio	Cd	[Kr] 4d10 5s2	1s2 2s2 2p6 3s2 3p6 3d10 4s2 4p6 4d10 5s2
49	Indio	In	[Kr] 4d10 5s2 5p1	1s2 2s2 2p6 3s2 3p6 3d10 4s2 4p6 4d10 5s2 5p1
50	Eztainu	Sn	[Kr] 4d10 5s2 5p2	1s2 2s2 2p6 3s2 3p6 3d10 4s2 4p6 4d10 5s2 5p2
51	Antimonio	Sb	[Kr] 4d10 5s2 5p3	1s2 2s2 2p6 3s2 3p6 3d10 4s2 4p6 4d10 5s2 5p3
52	Telurio	Te	[Kr] 4d10 5s2 5p4	1s2 2s2 2p6 3s2 3p6 3d10 4s2 4p6 4d10 5s2 5p4
53	Iodo	I	[Kr] 4d10 5s2 5p5	1s2 2s2 2p6 3s2 3p6 3d10 4s2 4p6 4d10 5s2 5p5
54	Xenon	Xe	[Kr] 4d10 5s2 5p6	1s2 2s2 2p6 3s2 3p6 3d10 4s2 4p6 4d10 5s2 5p6
55	Zesio	Cs	[Xe] 6s1	1s2 2s2 2p6 3s2 3p6 3d10 4s2 4p6 4d10 5s2 5p6 6s1
56	Bario	Ba	[Xe] 6s2	1s2 2s2 2p6 3s2 3p6 3d10 4s2 4p6 4d10 5s2 5p6 6s2
57	Lantano	La	[Xe] 5d1 6s2	1s2 2s2 2p6 3s2 3p6 3d10 4s2 4p6 4d10 5s2 5p6 5d1 6s2
58	Zerio	Ce	[Xe] 4f1 5d1 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f1 5d1 6s2
59	Praseodimio	Pr	[Xe] 4f3 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f3 6s2
60	Neodimio	Nd	[Xe] 4f4 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f4 6s2
61	Prometio	Pm	[Xe] 4f5 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f5 6s2
62	Samario	Sm	[Xe] 4f6 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f6 6s2
63	Europio	Eu	[Xe] 4f7 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f7 6s2
64	Gadolinio	Gd	[Xe] 4f7 5d1 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f7 5d1 6s2
65	Terbio	Tb	[Xe] 4f9 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f9 6s2
66	Disprosio	Dy	[Xe] 4f10 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f10 6s2
67	Holmio	Ho	[Xe] 4f11 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f11 6s2
68	Erbio	Er	[Xe] 4f12 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f12 6s2
69	Tulio	Tm	[Xe] 4f13 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f13 6s2
70	Iterbio	Yb	[Xe] 4f14 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 6s2
71	Lutezio	Lu	[Xe] 4f14 5d1 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d1 6s2
72	Hafnio	Hf	[Xe] 4f14 5d2 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d2 6s2
73	Tantalo	Ta	[Xe] 4f14 5d3 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d3 6s2
74	Wolframio	W	[Xe] 4f14 5d4 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d4 6s2
75	Renio	Re	[Xe] 4f14 5d5 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d5 6s2
76	Osmio	Os	[Xe] 4f14 5d6 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d6 6s2
77	Iridio	Ir	[Xe] 4f14 5d7 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d7 6s2
78	Platino	Pt	[Xe] 4f14 5d9 6s1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d9 6s1
79	Urre	Au	[Xe] 4f14 5d10 6s1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s1
80	Merkurio	Hg	[Xe] 4f14 5d10 6s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2
81	Talio	Tl	[Xe] 4f14 5d10 6s2 6p1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p1
82	Berun	Pb	[Xe] 4f14 5d10 6s2 6p2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p2
83	Bismuto	Bi	[Xe] 4f14 5d10 6s2 6p3	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p3
84	Polonio	Po	[Xe] 4f14 5d10 6s2 6p4	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p4
85	Astato	At	[Xe] 4f14 5d10 6s2 6p5	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p5
86	Radon	Rn	[Xe] 4f14 5d10 6s2 6p6	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6
87	Frantzio	Fr	[Rn] 7s1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 7s1
88	Radio	Ra	[Rn] 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 7s2
89	Aktinio	Ac	[Rn] 6d1 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 6d1 7s2
90	Torio	Th	[Rn] 6d2 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 6d2 7s2
91	Protoaktinio	Pa	[Rn] 5f2 6d1 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f2 6d1 7s2
92	Uranio	U	[Rn] 5f3 6d1 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f3 6d1 7s2
93	Neptunio	Np	[Rn] 5f4 6d1 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f4 6d1 7s2
94	Plutonio	Pu	[Rn] 5f6 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f6 7s2
95	Amerizio	Am	[Rn] 5f7 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f7 7s2
96	Kurio	Cm	[Rn] 5f7 6d1 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f7 6d1 7s2
97	Berkelio	Bk	[Rn] 5f9 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f9 7s2
98	Kalifornio	Cf	[Rn] 5f10 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f10 7s2
99	Einsteinio	Es	[Rn] 5f11 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f11 7s2
100	Fermio	Fm	[Rn] 5f12 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f12 7s2
101	Mendelebio	Md	[Rn] 5f13 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f13 7s2
102	Nobelio	No	[Rn] 5f14 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 7s2
103	Lawrentzio	Lr	[Rn] 5f14 7s2 7p1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 7s2 7p1
104	Rutherfordio	Rf	[Rn] 5f14 6d2 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d2 7s2
105	Dubnio	Db	[Rn] 5f14 6d3 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d3 7s2
106	Seaborgio	Sg	[Rn] 5f14 6d4 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d4 7s2
107	Bohrio	Bh	[Rn] 5f14 6d5 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d5 7s2
108	Hassio	Hs	[Rn] 5f14 6d6 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d6 7s2
109	Meitnerio	Mt	[Rn] 5f14 6d7 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d7 7s2
110	Darmstadtio	Ds	[Rn] 5f14 6d9 7s1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d9 7s1
111	Roentgenio	Rg	[Rn] 5f14 6d10 7s1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s1
112	Kopernizio	Cn	[Rn] 5f14 6d10 7s2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2
113	Nihonio	Nh	[Rn] 5f14 6d10 7s2 7p1	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p1
114	Flevorio	Fl	[Rn] 5f14 6d10 7s2 7p2	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p2
115	Moskovio	Mc	[Rn] 5f14 6d10 7s2 7p3	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p3
116	Livermorio	Lv	[Rn] 5f14 6d10 7s2 7p4	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p4
117	Teneso	Ts	[Rn] 5f14 6d10 7s2 7p5	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p5
118	Oganeson	Og	[Rn] 5f14 6d10 7s2 7p6	1s2 2s2 2p6 3s2 3p6 3d10 4s2 4p6 4d10 5s2 5p6 4f14 5d10 6s2 6p6 5f14 6d10 7s2 7p6

• Konfigurazio elektroniko etzanak Moeller-diagramaren salbuespenak dira.
• Konfigurazio elektroniko lodiak iragarpenak dira.

Erreferentziak

1. Bohr, Niels (1923). "Über die Anwendung der Quantumtheorie auf den Atombau. I". Zeitschrift für Physik. 13: 117. Bibcode:1923ZPhy...13..117B. doi:10.1007/BF01328209.
2. Pauli, Wolfgang (1925). "Über den Einfluss der Geschwindigkeitsabhändigkeit der elektronmasse auf den Zeemaneffekt". Zeitschrift für Physik. 31: 373. Bibcode:1925ZPhy...31..373P. doi:10.1007/BF02980592. English translation from Scerri, Eric R. (1991). "The Electron Configuration Model, Quantum Mechanics and Reduction" (PDF). Br. J. Phil. Sci. 42 (3): 309–25. doi:10.1093/bjps/42.3.309.
3. Física cuántica. Robert Eisberg, Robert Resnick. Ed. Limusa. México D.F. 1989.
4. Madelung, Erwin (1936). Mathematische Hilfsmittel des Physikers. Berlin: Springer.
5. Unión Internacional de Química Pura y Aplicada. «aufbau principle». Compendium of Chemical Terminology. Versión en línea (en inglés).

Kanpo estekak

• Datuak: Q53859
• Multimedia: Electron configurations / Q53859