Casadevante jauregia
eraikitako euskal ondare nabaria Hondarribian. Kultur Intereseko Ondasun From Wikipedia, the free encyclopedia
Casadevante jauregia edo Casadevante etxea Gipuzkoako Hondarribia udalerriko Alde Zaharreko Kale Nagusian dagoen jauregia da. Itxuraren arabera, XVI. mendearen bukaeran edo XVII. mendean eraiki zen. Hondarribiko udaletxea eta Zuloaga jauregia parez-pare du, eta Jasokundeko eta Sagarrondoko Andre Maria eliza alboan.
| Casadevante jauregia | |
|---|---|
| Kultura ondasuna | |
| Hondarribiko hiri historikoa | |
 | |
| Kokapena | |
| Herrialdea |  Euskal Herria |
| Probintzia |  Gipuzkoa |
| Udalerria | Hondarribia |
| Koordenatuak | 43°21′46″N 1°47′28″W |
 | |
| Historia eta erabilera | |
| Eraikuntza | XVII. mendea |
| Arkitektura | |
| Estiloa | arkitektura barrokoa |
| Ondarea | |
| BIC | RI-51-0001503 |
| 47 | |
Gaur egun hotela da.
Harlanduz egina dago, eta izkinetakoak apainduak daude, irudi zirkularrekin eta landare irudiekin (txandakatu egiten dira). Gorengo harriak, ordea, lehoi baten irudia du lau izkinetan.
Casadevante etxea.
Casadevante etxearen aurrealdea.
Hiru solairu ditu, eta bat bukatzen eta beste hasten den mugan, inpostak. beheko solairuan, leiho bat dauka atearen alde bakoitzean. Ateak zutabe toskanarrak ditu, eta horien gainean, taulamendu bat, lore eta landare irudiz apaindua. Gorago, berriz, hiruki formako frontoia. Lehen solairuan hiru balkoi ditu, eta horiek ere hiruki formako frontoia dute gainean (erdikoa etena dago, armarria jarri ahal izateko). Bigarren solairuan ere hiru balkoi daude. Hegalari eutsiz, bi harburu ilara ageri dira. Izkinetakoak harrizkoak dira, eta erronbo eta obalo klasizistak dituzte zizelkatuak. Erlaitza molduraz apaindua du, eta, ziurrenik, XVIII. mendekoa izanen da, teilatu hegala bezala.
Aurrealdean plaka bat du, eta honako idazkia ageri da: "En esta casa negociaron los emisarios del Príncipe Condé y las autoridades de la plaza los términos de la tregua que siguió al heroíco sitio del año MDCXXXVIII" ("Printze kondearen ordezkariek eta hiribilduaren ordezkariek etxe honetan negoziatu zuten MDCXXXVIII. urteko setio heroikoaren ondorengo suetena").
 |
Euskarazko Wikipedian bada atari bat, gai hau duena: Gipuzkoa |
Datuak: Q20492255
Multimedia: Casa de Casadevante / Q20492255
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
