Hondarribiko udaletxea

Hondarribiko udaletxea Gipuzkoako Hondarribia udalerriko Udalaren egoitza da. Alde Zaharreko Kale Nagusian dagoen jauregia da. Casadevante jauregia eta Zuloaga jauregia parez-pare ditu, eta Jasokundeko eta Sagarrondoko Andre Maria eliza oso hurbil eta kale berdinean.

Hondarribiko udaletxea
Eraikitako euskal ondasun nabarmena
Hondarribiko hiri historikoa
Hondarribiko udaletxearen irudia. Irudi gehiago
Kokapena
Herrialdea	Euskal Herria
Probintzia	Gipuzkoa
Udalerria	Hondarribia
Koordenatuak	43°21′45″N 1°47′30″W
Historia eta erabilera
Eraikuntza	XVIII. mendea
Jabea	Hondarribiako Udala
Erabiltzailea	Hondarribiako Udala
Arkitektura
Estiloa	arkitektura barrokoa
Ondarea
EJren ondarea	34
Kontaktua
Helbidea	Kale Nagusia, 20

Eraikina

XVI. mendean, Santa Maria atea ireki zuten, Kale Nagusia hiriguneko kalerik garrantzitsuena bilakatu zen, eta han etxerik nabarmenenak eraiki zituzten, udaletxea barne.

Hiru solairu ditu, nahiz eta, kanpotik begiratuta, bi dituela iruditu. Kalitate handiko harlanduz egina dago, eta izkinetan kuxindurak ditu. Beheko solairuan kanpoko aldetik arkupea du (barrura sartuta, beheko solairua eta solairuartea hartzen ditu), puntu erdiko hiru arku ditu, horiek ere kuxindurekin. Arkupea ere harri landuz egina dago. Arkupearen gainean, erlaitz bat ageri da, moldura arinekin, eta balkoi handi bat gainean (bigarren solairuan gaude). Mentsulek eusten diote balkoiari, eta balkoiaren beraren erlaitza ere harrizkoa da, eta horrek ere moldurak ditu. Baranda, berriz, burdin forjatuz egina dago, ongi, gainera. Balkoi horrek hiru bao ditu, eta horien tartean, bi armarri handi ageri dira. Balkoiaren gainean, plaka bat dago, eta Gabriel Joseph Zuloagaren aipamena egiten du. Beste erlaitz bat ere badu, eta haren gainean, teilatu hegal dotorea.

• 
  Armarria.
• 
  Kandido Saseta herriko semea zenari eginiriko omenaldia arkupean.

Ikus gainera

• Gipuzkoako jauregi eta dorretxeen zerrenda

Kanpo estekak

Euskarazko Wikipedian bada atari bat, gai hau duena: Gipuzkoa

• Hondarribiko Udalaren webgunea

• Datuak: Q19672454
• Multimedia: Town hall of Hondarribia / Q19672454