idazle japoniarra From Wikipedia, the free encyclopedia
Yōko Tawada (japonieraz: 多和田葉子 Tawada Yōko , Tokio, 1960ko martxoaren 23a) Berlinen (Alemania) bizi den idazle japoniarra da. Japonieraz eta alemanieraz idazten du eta literatur sari ugari irabazi ditu, hala Japonian nola Europan.
Yoko Tawada | |
---|---|
(2016) | |
Bizitza | |
Jaiotza | Tokio eta Tokio, 1960ko martxoaren 23a (64 urte) |
Herrialdea | ![]() |
Hezkuntza | |
Heziketa | Waseda Unibertsitatea Hanburgoko Unibertsitatea Zuricheko Unibertsitatea |
Hizkuntzak | alemana japoniera |
Irakaslea(k) | Sigrid Weigel (en) ![]() |
Jarduerak | |
Jarduerak | eleberrigilea, antzerkigilea, idazlea, saiakeragilea, Germanist (en) ![]() |
Parte-hartzailea
| |
Lantokia(k) | Berlin |
Jasotako sariak | ikusi
|
Kidetza | Alemaniako hizkuntza eta literatura akademia Academy of Sciences and Literature Mainz (en) ![]() |
Genero artistikoa | olerkigintza |
yokotawada.de | |
![]() ![]() ![]() |
Tokio erdialdeko Nakano auzoan jaio zen. Aita liburu saltzailea eta itzultzailea zuen[1].
1979an hemeretzi urte zituela Transiberiar Trenbidea hartu eta Alemaniaraino iritsi zen[2]. 1982an Waseda Unibertsitatean graduatu zen, Errusiako literaturan espezializatu zelarik, eta ondoren Hanburgora joan zen aitaren liburu banaketa enpresan lan egitera[3]. Laister utzi zuen lana eta Hanburgoko Unibertsitatean Alemaniako literaturako ikasketak egin zituen. 2000an Alemaniako literaturan doktoregotza lortu zuen Zuricheko Unibertsitatean[4]. 2006an Berlinera joan zen bizitzera[5].
1987an Nur da wo du bist da ist nichts—Anata no iru tokoro dake nani mo nai poesia liburua atera zuen bi hizkuntzetan, alemanieraz eta japonieraz. 1991ean idatzi zuen lehenengo eleberria Kakato o nakushite eta idazle berrien Gunzo Saria irabazi zuen[4]. 1993an Inu muko iri eleberriak Akutagawa Saria jaso zuen[6].
2005ean Goethe domina jaso zuen, alemaniarrak izan gabe alemaniar kultura sustatzeko egiten duten lanarengatik jasotzen duten domina da.
2011n Knut izeneko hartz zuri umezurtzaren istorioa aintzat hartuta Yuki no renshūsei ("hartz zuri eme baten memoriak") izeneko eleberria atera zuen. Bertan hartz zurien hiru belaunaldi jartzen ditu gizakien arteko gizartean bizitzen eta gizaki eta animalien arteko harremanetan sakontzen du[7]. Noma Saria eta Yomiuri Saria eskuratu zituen. 2014an alemanierazko bertsioa atera zuen, Etüden im Schnee. 2016an ingelesezko bertsioa atera zen.
2014an etorkizun distopiko batean kokaturiko Kentoshi eleberria argitaratu zuen. Bertan aitona gero eta indartsuagoa bihurtzen da iloba gero eta ahulago den heinean[8]. 2018an ingelesezko bertsioa kaleratu zen, The last children of Tokyo.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.