From Wikipedia, the free encyclopedia
Dickinsonia Ediacararra garaian bizi izan zen fosilen genero bat da. Genero honetan hainbat espezie daude.
Dickinsonia | |
---|---|
![]() | |
Sailkapen zientifikoa | |
Erreinua | Animalia |
Filuma | Proarticulata (en) ![]() |
Klasea | Dipleurozoa |
Familia | Dickinsoniidae (en) ![]() |
Generoa | Dickinsonia Sprigg, 1947 |
Australia Hegoaldean dagoen Ediacara aztarnategian aurkitu zen lehen aldiz. Reg Sprigg geologoa izan zen aurkitzailea eta berak eman zion Dickinsonia izena, Hego Australiako Meategi Zuzendaria zen Ben Dickinsonen omenez. Hurrengo urteetan Ukrainan (Podolia eskualdean) eta Itsazo Zuriaren ertzetan ere aurkitu izan dira aleak.
Aurkitu diren Dickinsonia-ren fosil gehienak hareharrietan utzitako molde negatiboak dira.
Gorputz obalatu zapala du, simetria bilateral nabarmena[1], eta segmentu ugariz osaturik dago. Hazten doan heinean segmentu berriak gehitzen dizkio gorputzari (ikusi irudia)[1]. Segmentuen luzera eta lodiera txikituz doaz izakiaren atzealdera. Segmentuak alde bietara alternatiboki sortzen dira erdiko ardatzetik[2]. Segmentu hauek presio altuan zegoen likidoz osaturik egongo zirela uste da, eta "pneus" izena eman izan zaie[3].
Dickinsonia handienek metro eta erdiko luzera ere hartzen dute, txikienek ordea milimetro gutxi batzuk baino ez[4].
Taxonomikoki Dickinsonia kokatzea lan zaila da. Batzuek zizare zapal bat dela diote, beste batzuek koral bigun bat, marmoka antzekoa dela ere esan izan da eta baita liken mota bat ere[5]. Kolesterolaren trazak aurkitu izan zaizkionez animalia dela ondorioztatu da behintzat[6]. Dipleurozoa klasea sortu zen Dickinsonia eta antzeko fosilak sailkatzeko.
1947 urtetik hona bederatzi espezie identifikatu badira ere, egiaz lau edo bost espezie direla uste da.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.