From Wikipedia, the free encyclopedia
Ryszard KACZOROWSKI 
aŭskultu blazono Jelita (naskiĝis la 26-an de novembro 1919 en Bjalistoko, mortis la 10-an de aprilo 2010 en Smolensk) estis pola politikisto, socia aganto kaj skolto, komandanto de Grizaj Taĉmentoj en Bjalistoko en 1940, ekde 2009 skoltestro de Pola Respubliko, en la jaroj 1989-1990 pola prezidento en ekzilo en Londono (post morto de la antaŭulo Kazimierz Sabbat). Ryszard Kaczorowski estis la lasta prezidento de la Dua Pola Respubliko. La 22-an de decembro 1990 transdonis simbolojn de prezidanta potenco al Lech Wałęsa okaze de lia ĵura ceremonio en la Reĝa Kastelo en Varsovio. Li plenumis siajn devojn paralele al generalo Wojciech Jaruzelski, kiu oficis en Pollando.
Pereis en kraŝo de la pola aviadilo.
Li devenis de nobela familio kaj estis pli juna filo de Wacław Kaczorowski kaj Jadwiga Sawicka. Edukiĝis hejme ĉe la str. Mazowiecka 7 en Bjalistoko. De juneco apartenis al skoltismo. Post konkero de la urbo de Ruĝa Armeo kunkreis Grizajn Taĉmentojn. Li estis kuriero inter ili kaj komandanto de la Asocio de Armita Batalado. La 17-an de julio 1940 estis arestita de NKVD kaj enprizonigita, ankaŭ en Minsko, kie post dufoja proceso la 1-an de februaro 1941 Supera Tribunalo de Belorusa Soveta Socialisma Respubliko mortpunis lin. Post cent tagoj la 10-an de majo juĝejo de Sovetunio ŝanĝis la verdikton al dek jaroj de gulago. Li estis forveturigitya al Kołyma (Magadana provinco de Jakutio), kie liberiĝis post subskribo de la pakto Sikorski-Majski. Marte 1942 eniris Polan Armeon en Sovetunio de generalo Anders. Li trairis batalan itineron de la 2-a Korpuso, batalante i.a. apud Monto Kasino.
Ryszard Kaczorowski pereis flugante al la celebrado de la 70-a datreveno de Soveta Krimo en Katin. Malgraŭ grandaj detruoj de la aviadilo oni rapide malkovris lian kadavron. Ĉerko kun lia korpo alvenis al Pollando la 15-an de aprilo 2010 kaj estis publike prezentita en Belweder. La 19-an de aprilo Ryszard Kaczorowski estis entombigita kun honoroj en la Panteono de Grandaj Poloj de la Templo de Dia Providenco en Varsovio.
Oktobre 2012 prokurejo ordonis elterigon de la korpo de Ryszard Kaczorowski, ĉar post analizo de medicinaj dokumentoj liveritaj de la rusa flanko oni konkludis eblecon de eraro kaj ŝanĝon de korpoj. La 22-an de oktobro surloke kaj en Tombejo Powązki en Varsovio okazis du elterigoj. Poste ĉerkoj kun la du viktimoj de la katastrofo estis transportitaj por esplorado al krakova Fako de Juĝa Medicino. Tie sekvis esplorado de la kadavroj helpe de komputila tomografio. Oni konstatis malhonorigon de lia korpo kaj la korpo de Anna Walentynowicz. Post tiu ĉi esplorado la korpoj estis prenitaj al Vroclavo, kie okazis sekco kaj esploroj de DNA. La esploroj konfirmis eraran identigon en Moskvo de la korpoj.
Denova funebra solenaĵo okazis la 3-an de novembro 2012 en la sama Templo de Dia Providenco en Wilanów.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
