From Wikipedia, the free encyclopedia
Georg Leo von Caprivi de Caprera de Montecuccoli (ekde 1891 grafo, naskiĝis la 24-an de februaro 1831 en Charlottenburg apud Berlino, poste ekde 1920 parto de Berlino; mortis la 6-an de februaro 1899 en bieno Skyren apud Messow, distrikto Crossen (Oder), Brandenburgio, ekde 1945 parto de Pollando) estis prusa generalo kaj politikisto. En 1890 li fariĝis posteulo de Otto von Bismarck kiel regna kanceliero de Germanio. Li regis ĝis 1894.
En la politiko al eksterlando, li provis priproksimigi la regnon al Britio kaj pli intensigi komercan politikon. Ĉesis sub li la politiko de protektaj doganoj. En la politiko interna li celis interpaciĝon. Lia politiko renkontis fortan kontraŭon de la ekstremaj naciistoj kaj la konservativaj agrarkulturistoj. Ĝis 2013 la Caprivi-regiono de Namibio, ekde tiam nomata Zambezi-regiono, portis lian nomon, kaj daŭre geografie la nomo de la Caprivi-streko, do la "duoninsulo", kiu elstaras nordoriente el la konturo de Namibio, etendiĝante al rivero Zambezo ĝis preskaŭ la Viktoria Akvofalo, memorigas pri li.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
