Ян Эдвард Ваньковіч

У Вікіпедыі ёсць артыкулы пра іншых асоб з прозвішчам Ваньковіч.

Ян Э́двард Ванько́віч (польск.: Jan Edward Wańkowicz, руск.: Ян Эдвард Ванькович; 23 кастрычніка 1834^[1], маёнтак Малая Сляпянка, Мінскі павет, цяпер Мінскі раён — 2 жніўня 1899, Кракаў) — адзін з кіраўнікоў паўстання 1863—1864 гадоў у Берасцейскім павеце^[2]. Сын Валянціна Ваньковіча^[2].

Ян Эдвард Ваньковіч
польск.: Jan Edward Wańkowicz, руск.: Ян Эдвард Ванькович
Герб «Ліс»
Нараджэнне	23 кастрычніка 1834(1834-10-23) Малая Сляпянка, Мінскі павет, Мінская губерня, Расійская імперыя
Смерць	2 жніўня 1899(1899-08-02) (64 гады) Кракаў, Кракаўскі павет[d], Каралеўства Галіцыі і Ладамерыі, Цыслейтанія, Аўстра-Венгрыя
Месца пахавання	Ракавіцкія могілкі
Род	Ваньковічы
Бацька	Валянцін Ваньковіч
Маці	Анэля з Растоцкіх
Жонка	Станіслава Ясклоўская
Адукацыя	Санкт-Пецярбургскі дзяржаўны лесатэхнічны ўніверсітэт (1860)
Ваенная служба
Званне	камандзір паўстанцкага атраду
Камандаваў	паўстанцкім атрадам
Бітвы	Паўстанне 1863—1864 гадоў

Біяграфія

Ян Эдвард Ваньковіч у 1863 годзе

Сын Валянціна Ваньковіча і Анэлі з Растоцкіх. Па смерці бацькі атрымаў у спадчыну маёнтак Малая Сляпянка.

Скончыў Лясны інстытут у Пецярбургу (1860), працаваў ляснічым у Екацярынаслаўскай губерні, потым надляснічым у Белавежы^[2].

З 1861 года ў гродзенскай рэвалюцыйнай арганізацыі^[2].

Браў удзел у паўстанні 1863—1864 гадоў: змагаўся ў аддзеле Стасякевіча, ад мая ўзначаліў гэты аддзел. Пасля дзейнічаў на Падляшшы, узначальваў берасцейскі і кобрынскі паўстанцкія аддзелы. Удзельнічаў таксама ў паходзе генерала Юзафа Высоцкага  (руск.).

Па паразе аддзелу пераехаў з дапамогай Э. Ажэшкі ў Галіччыну^[2], касір Галіцыйскага банка  (польск.).

За ўдзел у паўстанні маёнтак Малая Сляпянка быў канфіскаваны царскімі ўладамі. Ян Эдвард быў арыштаваны аўстрыйскімі ўладамі, але здолеў уцячы і да 1869 перабываў на эміграцыі^[2][2][3]. Вярнуўся ў Кракаў, дзе і памёр.

Пахаваны на Ракавіцкіх могілках у Кракаве^[4].

Быў жанаты са Станіславай Ясклоўскай.

Зноскі

1. Архіўная копія (нявызн.)(недаступная спасылка). Архівавана з першакрыніцы 8 ліпеня 2018. Праверана 16 снежня 2018.
2. Ванькович Ян Валентиевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 101. — 737 с.
3. Wańkowicz — uczestnicy Powstania Styczniowego 1863 o tym nazwisku (польск.). Powstanie styczniowe — lista uczestników. Dynamiczny Herbarz Rodzin Polskich (13 студзеня 2013).
4. Spis osób pochowanych na Cmentarzu Rakowickim w Krakowie (osoby pochowane do 1939 r.) (польск.)(недаступная спасылка). Cmentarium (13 студзеня 2013). Архівавана з першакрыніцы 21 лістапада 2019. Праверана 14 студзеня 2013.

Літаратура

• Ваньковіч Ян (Ян Эдвард) Валенцьевіч // 506 // Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).
• Ваньковіч Ян Эдвард // Памяць: Гіст.-дакум. хроніка Мінска. У 4 кн. Кн. 2-я. — Мн.: БЕЛТА, 2002. — С. 89. — 714 с.: іл. — ISBN 985-6302-46-3.