![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9b/%25D0%2597%25D0%25B0%25D0%25BC%25D0%25B0%25D0%25BB%25D1%2591%25D1%259E%25D0%25BA%25D1%2596_%25D0%259C%25D1%2596%25D0%25BD%25D1%2581%25D0%25BA%25D0%25B0_35.jpg/640px-%25D0%2597%25D0%25B0%25D0%25BC%25D0%25B0%25D0%25BB%25D1%2591%25D1%259E%25D0%25BA%25D1%2596_%25D0%259C%25D1%2596%25D0%25BD%25D1%2581%25D0%25BA%25D0%25B0_35.jpg&w=640&q=50)
Траецкае прадмесце
From Wikipedia, the free encyclopedia
Траецкае прадмесце — гістарычны раён Мінска на мысе левага берага Свіслачы насупраць Верхняга Горада, вусця Нямігі і колішняга замка, цяпер квартал абмежаваны Траецкай набярэжнай — вул. Старавіленскай — вул. Старажоўскай — вул. Максіма Багдановіча. Першапачаткова быў гандлёва-адміністрацыйным цэнтрам старадаўняга Менска[1][2].
Гістарычны раён | |
Траецкае прадмесце | |
---|---|
![]() Траецкае прадмесце | |
53°54′30″ пн. ш. 27°33′22″ у. д.HGЯO | |
Краіна |
![]() |
Горад | Мінск |
Архітэктурны стыль | Класіцызм, эклектыка |
Першае згадванне | XII ст. |
Будаўніцтва | XVII — XIX стст., XX ст. |
Вядомыя жыхары | Максім Багдановіч, Янка Купала |
Статус | Ахоўная зона |
![]() |
На захадзе ад Траецкай гары месціцца Замчышча, на паўночным захадзе — Татарскія Агароды і Старосцінская Слабада, на поўначы — Старажоўка, на ўсходзе — Залатая Горка, на поўдні — цэнтральныя раёны Высокі і Нізкі Рынак.[3][4]
На Траецкай гары быў размешчаны Траецкі касцёл — найстарэйшы каталіцкі храм Менска, пабудаваны ў XIV ст. Таксама тут знаходзіліся не захаваныя Барысаглебская царква (XII—XIII стст.), Траецкая царква (не пазней XV ст.), Узнясенскі манастыр з аднайменнай царквой (не пазней XV ст.) і часткова захаваныя Траецкі жаночы базыльянскі манастыр і касцёл і шпіталь сясцёр міласэрнасці. Цяпер прадмесце адно з улюбёных месцаў адпачынку ў горадзе[5].