From Wikipedia, the free encyclopedia
Міжнародны валютны фонд, МВФ (англ.: International Monetary Fund, IMF) — міжнародная арганізацыя, якая назірае за глабальнай фінансавай сістэмай, макраэканамічнай палітыкай дзяржаў-членаў МВФ, асабліва за абменнымі курсамі валют і плацежным балансам. Арганізацыя ўтворана, каб стабілізаваць міжнародныя абменныя курсы і садзейнічаць эканамічнаму развіццю. МВФ таксама прапануе крэдыты, галоўным чынам для краін, якія перажываюць эканамічныя цяжкасці. Штаб-кватэра МВФ размешчана ў Вашынгтоне (ЗША).
Міжнародны валютны фонд (МВФ) | |
---|---|
![]() | |
![]() |
|
Дзяржавы — члены МВФ |
|
Краіна | |
Штаб-кватэра |
![]() |
Тып арганізацыі | Спецыялізаваная ўстанова ААН |
Афіцыйныя мовы | англійская |
Кіраўнікі | |
Распараднік | Крысцін Лагард[2] |
Заснаванне | |
Стварэнне хартыі МВФ | 22 ліпеня 1944 |
Афіцыйная дата стварэння МВФ | 27 снежня 1945 |
Пачатак дзейнасці | 1 сакавіка 1947 |
Колькасць супрацоўнікаў |
|
Матчыная арганізацыя | Арганізацыя Аб’яднаных Нацый |
Член у | 187 дзяржаў-членаў |
www.imf.org | |
![]() |
У якасці дзяржаў-заснавальніцаў у фондзе напачатку бралі ўдзел Балівія, Брытанія, Бельгія, Гандурас, Гватэмала, Грэцыя, Дамініканская Рэспубліка, ЗША, Індыя, Ірак, Іран, Ісландыя, Калумбія, Канада, Кітай, Куба (да 2 красавіка 1964 г.), Люксембург, Нарвегія, Нідэрланды, Парагвай, Паўднёвая Афрыка, Польшча (да 1950 г., аднавіла ўдзел 12 чэрвеня 1986 г.), Філіпіны, Францыя, Чэхаславакія (да 1954 г.), Егіпет, Эквадор і Эфіопія. Колькасць удзельнікаў устойліва павялічвалася і ў чэрвені 2010 года дасягнула 185 дзяржаў.
Урад Беларусі бярэ ўдзел у МВФ з 10 ліпеня 1992 года[4]. Урады ўсіх сумежных з Беларуссю краін таксама з’яўляюцца яго ўдзельнікамі. Урад Польшчы — ад заснавання фонду, Літвы — з 29 красавіка 1992 г.[5], Латвіі — з 19 мая 1992 г.[6], Расіі — з 1 чэрвеня 1992 г.[7], Украіны — з 3 верасня 1992 года[8].
14 красавіка 2009 года, пасля чатырохгадовага перапынку, МВФ аднавіў у Беларусі пасаду свайго сталага прадстаўніка. Яе заняла Наталля Калядзіна, якая раней працавала старшым эканамістам Еўрапейскага аддзелу МВФ[9].