Вікіпедыя:Біяграфіі сучаснікаў
From Wikipedia, the free encyclopedia
Удзельнікі павінны быць асабліва асцярожныя пры даданні інфармацыі пра сучаснікаў на любую старонку Вікіпедыі. Такі матэрыял патрабуе асаблівай далікатнасці і строгага прытрымлівання адпаведных законаў ЗША[1], гэтага правіла, а таксама асноўных правілаў Вікіпедыі, якія тычацца зместу артыкулаў:
![]() | Старонка ёсць часткай правіл Вікіпедыі. Пададзеных тут норм мусяць трымацца ўсе ўдзельнікі. Перад рэдагаваннем правіл упэўніцеся, што на змены ёсць кансэнсус (згода) супольнасці. Калі ёсць сумневы, спачатку абмяркуйце змены на старонцы размоў. |
![]() | Сцісла: Матэрыялы пра сучаснікаў варта пісаць з асаблівай адказнасцю і ўвагай да захавання правілаў правяральнасці, нейтральнасці і недапушчальнасці ўласных даследаванняў. Абавязковыя спасылкі на вартыя даверу крыніцы, асабліва пры апісанні падрабязнасцей асабістага жыцця. |
Біяграфіі сучаснікаў трэба пісаць з захаваннем прынятых норм прыстойнасці і з павагай да асабістага жыцця прадмета артыкула. Вікіпедыя ― энцыклапедыя, а не жоўтая газета: распаўсюджванне сенсацый і чутак пра асабістае жыццё людзей не ўваходзіць у яе задачы. Пры напісанні артыкулаў заўсёды варта ўлічваць магчымасць прычынення шкоды жывым людзям. Гэтыя прынцыпы датычацца біяграфій жывых людзей, біяграфічных даных пра людзей у іншых артыкулах, а таксама зместу іншых старонак, у тым ліку старонак размоў. У Вікіпедыі цяжар доказу любых спрэчных сцвярджэнняў, а асабліва тых, што тычацца біяграфій жывых людзей, ляжыць строга на плячах удзельніка, які дадае такое сцвярджэнне ў артыкул.
Падыходзьце з максімальнай строгасцю да якасці крыніц, асабліва тых, што тычацца падрабязнасцей асабістага жыцця. Любая аспрэчаная або нават патэнцыйна спрэчная інфармацыя мусіць быць апублікавана ў надзейнай крыніцы, на якую ў тэксце павінна быць зроблена зноска. Спрэчны матэрыял пра жывых (або памерлых не болей за год таму) людзей без крыніц або са слабымі крыніцамі — негатыўнага, пазітыўнага, нейтральнага або проста сумніўнага характару — варта выдаляць неадкладна і без абмеркавання[2].
Перад выдаленнем спрэчнай інфармацыі варта праверыць, ці не змяшчаецца яна ў аўтарытэтных крыніцах, прыведзеных у раздзеле для спасылак у канцы артыкула. Акрамя таго, выдаленне значнай колькасці інфармацыі з артыкула можа быць ацэнена добрасумленнымі ўдзельнікамі як вандалізм або гульня з правіламі. Таму пасля выдалення рэкамендуецца пакінуць паведамленне на старонцы размоў артыкула з тлумачэннямі прычын такога дзеяння. У простых выпадках можа хапіць каментарыя да праўкі са спасылкай на адпаведны раздзел гэтага правіла. Гэта дапаможа ў далейшым пазбегнуць аднаўлення інфармацыі іншымі ўдзельнікамі.
![](http://upload.wikimedia.org/wikipedia/commons/thumb/2/2a/Contactus-wmcolors.svg/640px-Contactus-wmcolors.svg.png)
Удзельнікі, якія груба або сістэматычна парушаюць гэта правіла, могуць быць заблакаваны.