Істобкі

Істо́бкі^[1] (трансліт.: Istobki, руск.: Истобки) — вёска ў Жлобінскім раёне Гомельскай вобласці. Уваходзіць у склад Салонскага сельсавета. Насельніцтва 127 чал. (2004). Знаходзіцца за 12 км на поўдзень ад горада Жлобін, за 4 км ад чыгуначнай станцыі Мормаль (лінія Жлобін — Калінкавічы), за 82 км ад Гомеля.

Вёска Істобкі вёска летам 2019 Краіна Беларусь Вобласць Гомельская Раён Жлобінскі Сельсавет Салонскі Каардынаты 52°47′52″ пн. ш. 29°54′49″ у. д.HGЯO Насельніцтва ▼53 чал. (2019) Часавы пояс UTC+3 Тэлефонны код +375 2334 Аўтамабільны код 3 СААТА 3218864011 Істобкі на карце Беларусі ±

Істобкі на Вікісховішчы

Гісторыя

Паводле пісьмовых крыніц вядомая з XIX стагоддзя як вёска ў Магілёўскай губерні. З 1880 года дзейнічаў хлебазапасны магазін. Паводле перапісу 1897 года знаходзіліся 2 ветракі. У 1909 годзе 1200 дзесяцін зямлі, школа, млын, у Стрэшынскай воласці Рагачоўскага павета.

У 1930 годзе арганізаваны калгас «Серп і молат», працавалі 2 ветракі. Падчас Вялікай Айчыннай вайны ў чэрвені 1943 года акупанты спалілі 128 двароў і забілі 3 жыхароў. 16 жыхароў загінулі на фронце. Паводле перапісу 1959 года ў складзе саўгаса «Ніва» (цэнтр — вёска Нівы). Працуе фельчарска-акушэрскі пункт. Да 11 лютага 1960 года вёска ўваходзіла ў склад Мормальскага сельсавета^[2], да 8 снежня 1966 года — у склад Акцябрскага сельсавета^[3].

Насельніцтва

• XIX стагоддзе: 1858 — 21 двор, 145 жыхароў; 1882 — 52 двары, 373 жыхары; 1897 — 57 двароў, 429 жыхароў (паводле перапісу)
• XX стагоддзе: 1909 — 71 двор, 591 жыхар; 1925 — 117 двароў; 1940 — 134 двары, 624 жыхары; 1959 — 728 жыхароў (паводле перапісу)
• XXI стагоддзе: 2004 — 88 гаспадарак, 127 жыхароў^[4]

Зноскі

1. Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4 (DJVU).. Сустракаецца таксама варыянт Істо́пкі
2. Рашэнне выканкома Гомельскага абласнога Савета дэпутатаў працоўных ад 11 лютага 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 4.
3. Рашэнне выканкома Гомельскага абласнога Савета дэпутатаў працоўных ад 8 снежня 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
4. Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004.

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.

Спасылкі

• На Вікісховішчы ёсць медыяфайлы па тэме Істобкі