Сеткакрылыя

Сеткакры́лыя^[1] (Neuroptera) — атрад насякомых.

Сеткакрылыя
Chrysoperla carnea
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Трахейнадыхальныя Надклас:  Шасціногія Клас:  Насякомыя Падклас:  Крылатыя насякомыя Інфраклас:  Навакрылыя насякомыя Атрад:  Сеткакрылыя
Міжнародная навуковая назва
Neuroptera Linnaeus, 1758
Сямействы
Hemerobiiformia Berothidae Chrysopidae Coniopterygidae Dilaridae Hemerobiidae Ithonidae Mantispidae Neurorthidae Osmylidae Polystoechotidae Sisyridae Myrmeleontiformia Ascalaphidae Myrmeleontidae Nemopteridae Nymphidae Psychopsidae
Сістэматыка на Віківідах Выявы на Вікісховішчы ITIS   114999 NCBI   7516 EOL   937 FW   115551

Вядома каля 5 тыс. відаў. Даўжыня цела 1—3 см, размах крылаў да 12 см. Цела тонкае, светла-зялёнае, чорнае і інш. Крылаў дзве пары, звычайна аднолькавых, празрыстых сеткавых (адсюль назва). Ротавы апарат грызучага тыпу. Ногі тонкія, хадзільныя, з 5-членікавымі лапкамі, у некаторых відаў пярэднія — капальныя.

Адзначаны з пермскага перыяду. Пашыраны ўсюды, акрамя Антарктыды. На тэрыторыі Беларусі найбольш сустракаюцца прадстаўнікі сямействаў залатавочак (Chrysopidae) і мурашыных ільвоў (Myrmeleontidae). Кормяцца тлёй, какцыдамі і іншымі насякомымі, шкоднымі для сельскай і лясной гаспадарак.

Развіццё з поўным ператварэннем. У лічынак сківіцы ўтвараюць смактальныя трубкі. Многім з іх уласціва пазакішэчнае страваванне (у цела ахвяры ўводзяць стрававальныя ферменты, потым высмоктваюць ператраўленую ежу).

Зноскі

1. БелЭн 2002.

Літаратура

• Сеткакрылыя // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — 512 с. — 10 000 экз. — ISBN 985-11-0035-8. — ISBN 985-11-0238-5 (т. 14).