Сяргей Уладзіміравіч Калішэвіч

Сяргей Уладзіміравіч Калішэ́віч^[1] (15 верасня 1903, Драгічын — 8 снежня 1971) — вучоны ў галіне анатоміі і фізіялогіі раслін, кандыдат біялагічных навук (1941), дацэнт (1947). Удзельнік Вялікай Айчыннай вайны.

Сяргей Уладзіміравіч Калішэвіч
Дата нараджэння	15 верасня 1903(1903-09-15)
Месца нараджэння	Драгічын, Кобрынскі павет, Гродзенская губерня, Літоўскае генерал-губернатарства, Расійская імперыя
Дата смерці	8 снежня 1971(1971-12-08) (68 гадоў)
Грамадзянства	Расійская імперыя,  СССР
Навуковая сфера	анатомія раслін, фізіялогія раслін
Месца працы	Беларуская дзяржаўная сельскагаспадарчая акадэмія, Біялагічны факультэт БДУ
Навуковая ступень	кандыдат біялагічных навук
Навуковае званне	дацэнт
Альма-матар	Беларуская дзяржаўная сельскагаспадарчая акадэмія
Партыя	КПСС
Узнагароды	Медаль «За працоўную доблесць»

Біяграфія

Нарадзіўся ў мястэчку Драгічын Кобрынскага павета Гродзенскай губерні (сучасны горад, адміністрацыйны цэнтр Драгічынскага раёна Брэсцкай вобласці Беларусі) у сям’і настаўніка. У 1926 годзе скончыў Беларускую сельскагаспадарчую акадэмію сельскай і лясной гаспадаркі. Да 1934 года працаваў навуковым супрацоўнікам, асістэнтам у Беларускім сельскагаспадарчым інстытуце. З 1934 года С. У. Калішэвіч у Беларускім дзяржаўным універсітэце на пасадзе асістэнта кафедры фізіялогіі раслін біялагічнага факультэта. У 1941 годзе абараніў кандыдацкую дысертацыю на тэму «Наблюдение над динамикой анатомической структуры и некоторыми цитологическими изменениями в процессе роста листа»^[2]. Удзельнік Вялікай Айчыннай вайны. З 1945 года на пасадзе выконваючага абавязкі дацэнта кафедры, з 1947 года — дацэнт, у 1948—1952 гг. — дэкан біялагічнага факультэта БДУ, з 1960 года — загадчык кафедрай фізіялогіі і біяхіміі раслін.

Навуковая і грамадская дзейнасць

С. С. Калішэвічу належаць навуковы працы пытаннях марфалогіі і анатоміі пластыднага апарату раслін і накапленні ў іх пігментаў, па структуры і развіцці ў антагенезе фотасінтэзуючага апарату раслін, даследаванні па барацьбе з паляганнем сельскагаспадарчых культур і па мікраскапіі. Займаўся вывучэннем развіцця збожжавых культур на тарфяных глебах.

Быў членам Рускага батанічнага таварыства^[3]. Неаднаразова абіраўся старшынёй і членам камісій па выбарах, уваходзіў у склад прэзідыума Саюза вышэйшай школы, партыйных камітэтаў біялагічнага факультэта і ўніверсітэта^[2].

Асноўныя працы:

• Наблюдение над увеличением числа и размеров хлоропластов и накоплением в них хлорофилла во время роста листьев. (у сааўтарстве) // Сб. памяти В. Н. Любименко. — Киев. Из-во АН УССР. 1938;
• К вопросу о влиянии микроэлементов на хлоропластный аппарат растений. (у сааўтарстве) // Сб. Вопросы физиологии растений и микробиологии. Вып. 1. — Минск: Из-во МВССиПО БССР.1959;
• К вопросу о соотношении в росте побегов и корневой системы зерновых культур на торфяной и минеральной почвах. // Сб. Вопросы физиологии растений и микробиологии. Вып. 2. — Минск: Из-во МВССиПО БССР, 1961.

Узнагароды

• Медаль «За перамогу над Германіяй у Вялікай Айчыннай вайне 1941—1945 гг.»
• Медаль «За працоўную доблесць» (1949)
• Ганаровая грамата Вярхоўнага Савета Беларускай ССР (1961)

Зноскі

1. Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз.
2. Сайт біялагічнага факультэта БДУ Архівавана 19 снежня 2019. (руск.)
3. Саксонов С. В. Первые члены Русского ботанического общества. И—К. (К 100-летию Русского ботанического общества) — С. 227. (руск.)

Літаратура

• Калішэвіч Сяргей Уладзіміравіч // Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 450.

Спасылкі

• Вучоныя Беларусі. Калішэвіч, Сяргей Уладзіміравіч (кандыдат біялагічных навук; 1903—1971) // Нацыянальная бібліятэка Беларусі
• Сайт біялагічнага факультэта БДУ Архівавана 19 снежня 2019. (руск.)
• История кафедры физиологии и биохимии растений Биологического факультета БГУ Архівавана 19 снежня 2019. (руск.)