Сяргей Рыгоравіч Анісаў

Сяргей Анісаў (партыйныя псеўданімы: Пеця, Мікалай Казлоўскі; 6 (19) кастрычніка 1906, в. Тур’я Чэрыкаўскага павета Магілёўскай губерні, цяпер Краснапольскі раён — 7 сакавіка 1987, Мінск) — беларускі і савецкі дзеяч рэвалюцыйнага руху ў Заходняй Беларусі, журналіст, публіцыст.

Сяргей Рыгоравіч Анісаў
Асабістыя звесткі
Дата нараджэння	6 (19) кастрычніка 1906
Месца нараджэння	Тур’я, Чэрыкаўскі павет, Магілёўская губерня, Расійская імперыя
Дата смерці	7 сакавіка 1987(1987-03-07) (80 гадоў)
Месца смерці	Мінск, БССР, СССР
Прафесійная дзейнасць
Род дзейнасці	публіцыст, журналіст, рэвалюцыянер

У Вікіпедыі ёсць артыкулы пра іншых асоб з прозвішчам Анісаў.

Біяграфія

У 1927—1932 на камсамольскай працы ў Слаўгарадзе, Клімавічах, Магілёве, Мазыры^[1]; працаваў намесніка галоўнага рэдактара газеты «Чырвоная змена» і «Рабочий»^[1]. У маі 1932 накіраваны на падпольную работу ў Заходнюю Беларусь. Быў членам сакратарыята ЦК КСМЗБ; актыўна працаваў як журналіст, быў рэдактарам газет «Малады камуніст» і «Poborowiec» (бел.: Прызыўнік)^[1], часопісаў «Маладая гвардыя» і «Камсамолец». Са снежня 1934 першы сакратар ЦК КСМЗБ, са жніўня 1935 першы сакратар Брэсцкага акруговага камітэта КПЗБ. У 1932—1933 арганізоўваў забастоўкі рабочых лясных промыслаў у Белавежскай і Ружанскай пушчах, беластоцкіх тэкстыльшчыкаў^[1]. Са жніўня 1935 года сакратар Брэсцкага акруговага камітэта КПЗБ^[1].

З кастрычніка 1935 зняволены ў польскай турме. У 1939-45 у нямецкім лагеры ваеннапалонных^[1]. Пасля вайны працаваў у друку^[1]. Арыштаваны савецкімі ўладамі 10.2.1950.

Працы

Аўтар прац па гісторыі Заходняй Беларусі і КСМЗБ:

• «З гісторыі камсамольскага падполля Заходняй Беларусі».—Мн., 1958
• «За волю і шчасце народа»—Мн., 1959
• «Крутымі шляхамі»—Мн., 1960
• «Палымянае юнацтва»—Мн., 1969
• «У змаганні гартаваліся»—Мн., 1975.

Зноскі

1. Анисов Сергей Григорьевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 19. — 737 с..

Літаратура

• Энцыклапедыя гісторыі Беларусі. У 6 т. Т. 1: А — Беліца / Рэдкал.: М. В. Біч і інш.; Прадм. М. Ткачова; Маст. Э. Э. Жакевіч. — Мн. : БелЭн, 1993. — 494 с. — 20 000 экз. — ISBN 5-85700-074-2.
• Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).
• Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі. Энцыклапедычны даведнік у 10 тамах (15 кнігах). Т. 1. Абрамовіч—Кушаль. / Укладальнік Л. У. Маракоў. — Смаленск, 2003. — 480 с. — ISBN 985-6374-04-9.