Рашфор

Рашфо́р (фр.: Rochefort) — гандлёвы порт у французскім дэпартаменце Прыморская Шаранта, на правым беразе ракі Шаранта, за 16 км ад яе ўпадзення ў Біскайскі заліў і вострава Іль-д’Экс з цытадэллю, фортам і маяком.

Камуна Рашфор фр.: Rochefort Герб Сцяг[d] Краіна  Францыя Рэгіён Новая Аквітанія Дэпартамент Прыморская Шаранта Кантон Рашфор-Цэнтр Каардынаты 45°56′31″ пн. ш. 0°58′01″ з. д.HGЯO Плошча 21,95 км²[1] Вышыня цэнтра 0 м[2] і 29 м[2] Водныя аб’екты Шаранта[3] Насельніцтва 25140 чалавек (2010) Часавы пояс UTC+1, летам UTC+2 Паштовы індэкс 17300 Код INSEE 17299 Афіцыйны сайт ville-rochefort.fr (фр.) Рашфор на карце Францыі

Медыяфайлы на Вікісховішчы

У паняцця ёсць і іншыя значэнні, гл. Рашфор (значэнні).

Гісторыя

Рашфор — класічны прыклад «новага горада», пабудаванага ў эпоху абсалютызму з рацыянальных прычын. Не жадаючы ствараць буйны цэнтр суднабудавання ў мяцежнай Ла-Рашелі (вядомай сваімі гугеноцкімі сімпатыямі), першы міністр Кальбер пераканаў Людовіка XIV у неабходнасці будаўніцтва ў вусце Шаранты новага горада-порта.

Рашфор пачаў будавацца ў 1666 годзе па прынцыпах класіцызму (прамыя шырокія вуліцы і бульвары). За ўзвядзеннем арсенала і ўмацаванняў, у тым ліку на Іль-д’Экс і прылеглых астравах заліва, назіраў асабіста Вабан. Сярод пабудоў таго часу — канатная фабрыка, якая ў XVII стагоддзі лічылася самым доўгім будынкам у Еўропе.

Умацаванне Рашфора працягнулася і пры Напалеоне, які пабудаваў побач з Іль-д’Экс знакаміты форт Баяр. Па іроніі лёсу, менавіта ў гэтых водах Напалеону прыйшлося капітуляваць па заканчэнні Ста дзён (гэта адбылося на борце англійскага карабля «Белерафонт»).

Багатай гісторыі Рашфора як ваеннага порта прысвечаны мясцовы музей мора. Гэта родны горад пісьменніка П’ера Лаці, які нярэдка згадвае Рашфор у сваіх творах. У 1900 годзе было скончана будаўніцтва наватарскага моста-транспарцёра («лятучага парома») праз Шаранту.

У Рашфоры адбываецца дзеянне мюзікла Жака Дэмі «Дзяўчаты з Рашфора» (1967) з Катрын Дэнёў, Франсуазай Дарлеак, Мішэлем Пікалі і Джынам Келі.

Насельніцтва

Насельніцтва камуны на 2010 год складала 25 140 чалавек.

Колькасць насельніцтва па гадах.
(Крыніца: INSEE)

1962	1968	1975	1982	1990	1999	2010
28 648	29 226	28 155	26 167	25 561	25 775	25 140

Вядомыя асобы

• Рэнэ Прымевэр Лесон (1794—1849) — французскі ўрач і натураліст
• П’ер Лоці (1850—1923) — пісьменнік; у яго доме створаны музей

Зноскі

1. база даных аб французскіх камунах — Institut national de l'information géographique et forestière. Праверана 26 кастрычніка 2015.

   <a href='https://wikidata.org/wiki/Track:Q1665102'></a><a href='https://wikidata.org/wiki/Track:Q20894925'></a>
2. база даных аб французскіх камунах — Institut national de l'information géographique et forestière, 2015.

   <a href='https://wikidata.org/wiki/Track:Q1665102'></a><a href='https://wikidata.org/wiki/Track:Q20894925'></a>
3. Sandre

   <a href='https://wikidata.org/wiki/Track:Q1520862'></a>

Спасылкі

• На Вікісховішчы ёсць медыяфайлы па тэме Рашфор