Якаў Кірылавіч Міхалёў

Якаў Кірылавіч Міхалёў^[2][3] (20 сакавіка 1909, Машкова, Горацкі раён, Магілёўская вобласць — 27 мая 1985) — беларускі вучоны ў галіне земляробства. Доктар сельскагаспадарчых навук (1974).

Якаў Кірылавіч Міхалёў
Дата нараджэння	20 сакавіка 1909(1909-03-20)
Месца нараджэння	Машкова, Горацкі павет, Магілёўская губерня, Расійская імперыя
Дата смерці	1985
Грамадзянства	Расійская імперыя  СССР
Род дзейнасці	навуковец
Навуковая сфера	земляробства і аграномія
Навуковая ступень	доктар сельскагаспадарчых навук[1]
Альма-матар	Беларуская дзяржаўная сельскагаспадарчая акадэмія (1931)
Партыя	КПСС[1]
Узнагароды

У Вікіпедыі ёсць артыкулы пра іншых асоб з прозвішчам Міхалёў.

Біяграфія

Скончыў Беларускую сельскагаспадарчую акадэмію ў 1931 годзе. Працаваў настаўнікам у Дрыбіне^[4]. У 1940 годзе пераведзены ў пасёлак Турскавы (Рагачоўскі раён) на пасаду намесніка дырэктара доследнай станцыі^[4]. На пачатку Вялікай Айчыннай вайны знаходзіўся ў камандзіроўцы ў Брэсце. У ліпені—лістападзе 1941 года ўдзельнічаў у баях на Бранскім фронце, атрымаў кантузію і пасля лячэння дэмабілізаваны ў пачатку 1942 года^[4]. Да 1946 года працаваў у горадзе Халтурын Кіраўскай вобласці дырэктарам тэхнікума і дырэктарам вучэбнай гаспадаркі^[4]. У 1946 годзе вярнуўся на радзіму і ў 1947 годзе абараніў дысертацыю кандыдата сельскагаспадарчых навук^[4]. У 1947 годзе прызначаны дырэктарам Турскай^[2] доследнай станцыі^[4]. З 1959 года на Магілёўскай абласной сельскагаспадарчай доследнай станцыі (намеснік дырэктара, з 1970 года — старшы навуковы супрацоўнік^[2]) у вёсцы Дашкаўка^[4] Магілёўскага раёна.

Навуковая і грамадская дзейнасць

Я. К. Міхалёву належаць больш за 200^[4] навуковыя прац па агратэхніцы збожжавых і зернебабовых культур. У 1954 годзе апублікаваў манаграфію «Паляпшэнне лугоў і пашаў БССР». Быў членам Савета Беларускай сельскагаспадарчай акадэміі. Неаднаразова абіраўся дэпутатам мясцовых Саветаў^[4].

Бібліяграфія

• Рекомендации по возделыванию люцерны на Могилевщине / [подготовили: Я. К. Михалев, В. В. Шапиро]. — Могилев, 1975.
• Паляпшэнне лугоў і пашаў БССР / Я. К. Міхалёў. ― Мінск, 1954.

Узнагароды

• Медаль «За адвагу»^[4]
• Ордэн Айчыннай вайны II ступені^[4]

Зноскі

1. Міхалёў Якаў Кірылавіч // Энцыклапедыя прыроды Беларусі. У 5-і т. T. 3: Катэнарыя — Недайка — С. 392.

   <a href='https://wikidata.org/wiki/Track:Q11773891'></a><a href='https://wikidata.org/wiki/Track:Q17415184'></a>
2. ЭПБ 1984.
3. БелЭн 2000.
4. Владимир Лившиц Яков Михалев — ученый из деревни Машково (руск.)

Літаратура

• Міхалёў Якаў Кірылавіч // Беларуская энцыклапедыя: У 18 т. Т. 10: Малайзія — Мугаджары / Рэдкал.: Г. П. Пашкоў і інш. — Мн. : БелЭн, 2000. — Т. 10. — С. 484. — 10 000 экз. — ISBN 985-11-0035-8. — ISBN 985-11-0169-9 (т. 10).
• Міхалёў Якаў Кірылавіч // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 392. — 588 с., іл. — 10 000 экз.

Спасылкі

• Міхалёў, Якаў Кірылавіч (доктар сельскагаспадарчых навук, аграномія ; 1909—1985) // Нацыянальная бібліятэка Беларусі
• Владимир Лившиц Яков Михалев — ученый из деревни Машково (руск.) // Інфармацыйны рэсурс пра Горацкі, Дрыбінскі і Мсціслаўскі раёны Магілёўскай вобласці: horki.info