Самуэль Аскерка

Самуэль Аскерка (каля 1600 — 1673) — ураднік Вялікага Княства Літоўскага.

Самуэль Аскерка
Аскерка
пісар земскі мазырскі[d]
войт мазырскі[d] з 1633
падсудак мазырскі[d] з 1638
суддзя земскі мазырскі[d] з 1653
пасол на Сойм Рэчы Паспалітай[d]
дэпутат Трыбунала Вялікага Княства Літоўскага[d] з 1666
Нараджэнне	каля 1600
Смерць	1673
Род	Аскеркі
Бацька	Пётр Аскерка[d]
Дзеці	Міхал Аскерка[d] і Луцыя з Аскеркаў[d][1]
Бітвы	Вайна Рэчы Паспалітай з Маскоўскай дзяржавай 1609—1618 гадоў Бітва пад Хоцінам, 1621 Вайна Рэчы Паспалітай са Швецыяй (1600—1629) Казацка-сялянская вайна, 1648—1651 Вайна Расіі з Рэччу Паспалітай

У Вікіпедыі ёсць артыкулы пра іншых людзей з прозвішчам Аскерка.

Біяграфія

Паходзіў са шляхецкага роду Аскеркаў герба «Мурдэліа» зменены. Нарадзіўся ў сям’і Пятра.

Мазырскі пісар земскі, войт з 1633 года, падсудак з 1638 года, суддзя земскі з 1653 года; пасол на сойм 1662 года, дэпутат Трыбунала ВКЛ у 1666 годзе. Удзельнічаў у вайне Рэчы Паспалітай з Расіяй 1609—1618 гадоў, Хацінскай бітве 1621 года, вайне Рэчы Паспалітай са Швецыяй 1600—1629 гадоў, паходах Я. Радзівіла супраць казакоў у 1649 і 1651. Вызначыўся ў вайне Расіі з Рэччу Паспалітай1654—1667 гадоў. У 1654 годзе як палкоўнік узначальваў некалькі харугваў паспалітага рушэння і наёмнікаў, вёў баі пад Быхавам, у заходняй Беларусі.

Выступаў супраць Кейданскай уніі 1655 года са Швецыяй, ваяваў з яе прыхільнікам Б. Радзівілам. У 1658—1659 гадах ваяваў ва ўсходняй Беларусі, у 1660 годзе — на Палессі, у Новагародскім ваяводстве, каля Чарэі, у 1661 годзе — супраць казакоў у паўдёвай Беларусі, у 1662 годзе — супраць расійскіх войск каля Быхава і Чавусаў. У 1671 годзе заснаваў кляштар бернардзінцаў у Слуцку.

Зноскі

1. Rolnik D. Województwo mińskie i Jeleńscy w życiu publicznym Rzeczypospolitej w latach 1764-1795 w świetle ich korespondencji — Katowice: Wydawnictwo Uniwersytetu Śląskiego, 2018. — С. 20. — 326 с. — ISBN 978-83-226-3123-2, 978-83-226-3124-9 — ISSN 0208-6336

   <a href='https://wikidata.org/wiki/Track:Q125039428'></a><a href='https://wikidata.org/wiki/Track:Q8039671'></a><a href='https://wikidata.org/wiki/Track:Q97372406'></a>

Літаратура

• Валерый Пазднякоў. Аскеркі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — 688 с. — ISBN 985-11-0314-4 (т. 1), ISBN 985-11-0315-2.