Аляксандр Гасеўскі

Аляксандр Гасеўскі (каля 1575 — красавік 1639) — рэгент вялікалітоўскай дзяржаўнай канцылярыі пры Л. Сапегу, рэферындарый літоўскі, вялікі пісар літоўскі, ваявода смаленскі, староста маркаўскі, пуньскі, купішскі і веліжскі (з 1600) .

Аляксандр Гасеўскі
польск.: Aleksander Gosiewski
Пісар польны літоўскі красавік 1639
Манарх	Жыгімонт III Ваза Уладзіслаў IV Ваза
Папярэднік	Геранім Пясецкі
Пераемнік	Мікалай Крыштаф Сапега
Ваявода смаленскі 1639
Манарх	Жыгімонт III Ваза Уладзіслаў IV Ваза
Папярэднік	Ян Корсак
Пераемнік	Крыштаф Гасеўскі
Войт Віцебска май 1598 — люты 1603
Манарх	Жыгімонт III Ваза
Папярэднік	Юрый Багданавіч Ляцецкі
Пераемнік	Ян Завіша
Нараджэнне	1575
Смерць	24 мая 1639(1639-05-24)[1][2] Вільня, Віленскі павет, Віленскае ваяводства, Вялікае Княства Літоўскае, Рэч Паспалітая
Месца пахавання	Касцёл Святога Казіміра (Вільнюс)[2]
Род	Гасеўскія
Бацька	Ян Гасеўскі[d]
Жонка	Эва з Пацаў[d][1][2]
Дзеці	Ганна Вінцэнт Гасеўскі Крыштаф Гасеўскі Сюзанна
Медыяфайлы на Вікісховішчы

Біяграфія

Надмагілле А. Гасеўскага ў касцёле Святога Казіміра ў Вільні

Прадстаўнік шляхецкага роду Корвін-Гасеўскіх гербу «Слепаўрон», сын Яна.

Займаў некалькі высокіх дзяржаўных пасадаў, у тым ліку рэгента дзяржаўнай канцылярыі пры Льву Сапегу (1596). У маі 1598 г. атрымаў віцебскае войтаўства ад Жыгімонта Вазы^[3]. У 1599 і 1600 гг. пасол у Маскву. У складзе пасольства Льва Сапегі меў значны ўплыў на перамовах з маскоўскім бокам^[4]. У 1600 г. атрымаў памежнае Веліжскае староства. У лютым 1603 г., пасля заключэння адпаведнай дамовы, добраахвотна саступіў пасаду войта віцебскаму ваяводу Яну Завішу.

У 1606 г. пасол да Ілжэдзмітрыя I, схоплены падчас звяржэння апошняга ў Маскве. Вызвалены ў 1608 г. Разам з Львом Сапегам быў ініцыятарам інтэрвенцыі ў Маскву, браў удзел у аблозе Смаленска ў 1610 годзе. У 1611—1613 гг. разам з войскам Рэчы Паспалітай зноў быў у Маскве. У 1617—1618 гг. удзельнічаў у другой выправе каралевіча Уладзіслава на Маскву, у 1621—1622 гг. у вайне са шведамі за Інфлянты.

У 1630 атрымаў урад пісара польнага.

Заснаваў езуіцкія калегіумы ў Віцебску і Смаленску, кляштар у Бярэсці.

Сям’я

Ад шлюбу з Евай Пац меў 4 сыноў і 3 дачок^[5].

Зноскі

1. Urzędnicy Wielkiego Księstwa Litewskiego : spisy. T. 4, Ziemia smolenśka i województwo smolenśkie XIV-XVIII wiek / пад рэд. А. Рахуба — Warszawa: Wydawnictwo DiG, 2003. — С. 217. — 412 с. — ISBN 83-7181-279-5

   <a href='https://wikidata.org/wiki/Track:Q123694190'></a><a href='https://wikidata.org/wiki/Track:Q9379197'></a><a href='https://wikidata.org/wiki/Track:Q11686050'></a>
2. Pacowie : materyjały historyczno-genealogiczne / пад рэд. J. Wolff — СПб.: 1885. — С. 94. — 377 с.

   <a href='https://wikidata.org/wiki/Track:Q124661538'></a>
3. Нацыянальны гістарычны архіў Беларусі. Ф. 1751. Воп. 1. Спр. 3. Арк. 156—157, 200—200 адв.
4. Dariusz Kupisz, Smoleńsk 1632–1634, Bellona, 2001, ISBN 83-11-09282-6, s. 81
5. ЭнцВКЛ 2005.

Літаратура

• Насевіч В. Гасеўскія // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 1: Абаленскі — Кадэнцыя. — С. 516. — 688 с. — ISBN 985-11-0314-4 (т. 1), ISBN 985-11-0315-2.

Спасылкі

• gosiewski.pl