Станіслаў Радзівіл

Станіслаў Радзівіл
	С. Радзівіл. Копія XIX ст. з арыгіналу XVI ст.
	; Герб «Трубы»
Асабістыя зьвесткі
Нарадзіўся	12 траўня 1559; Лукішкі каля Вільні
Памёр	19 сакавіка 1599; Пасаў
Пахаваны	Касьцёл Сьвятых Францішка й Бэрнарда;
Род	Радзівілы
Бацькі	Мікалай Радзівіл «Чорны»; Альжбета з Шыдлавецкіх
Жонка	Марына з Мышкаў
Дзеці	Станіслаў, Юры, Мікалай Крыштап, Альбрэхт Станіслаў
Дзейнасьць	палітык

Станіслаў Радзівіл (12 траўня 1559, Лукішкі каля Вільні — 19 сакавіка 1599, Пасаў) — дзяржаўны і вайсковы дзяяч Вялікага Княства Літоўскага. Маршалак вялікі літоўскі (1592—1595), староста жамойцкі (з 1595).

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Станіслаў Радзівіл (неадназначнасьць).

Хуткія факты Асабістыя зьвесткі, Нарадзіўся ...

Закрыць

Апрача вялізных абшараў на Валыні (цэнтар — Алыка), валодаў Нягневічамі ў Наваградзкім павеце, Налібакамі ў Менскім павеце і Дунілавічамі ў Ашмянскім павеце. У 1586 ўдзельнічаў у заснаваньні 3 радзівілаўскіх ардынацыяў, I ардынат на Алыцы.

Біяграфія

Зь нясьвіскай лініі роду Радзівілаў, сын Мікалая «Чорнага», канцлера вялікага літоўскага, і Альжбеты з Шыдлавецкіх. Меў братоў Альбрэхта, Мікалая Крыштапа і Юрыя, а таксама сясьцёр Ганну Магдалену, Крыстыну, Соф’ю Агнешку і Альжбету.

Навучаўся ў Нясьвіжы, Ляйпцыгу, падарожнічаў у Італію, Гішпанію, Партугалію, Францыю. Ведаў 12 моваў. У 1574 перайшоў з кальвінізму ў каталіцтва.

У 1580—1581 на чале ўласнага аддзелу ўдзельнічаў у Інфлянцкай вайне (1558—1582). Займаў шэраг высокіх дзяржаўных пасадаў.

Аўтар рэлігійных твораў, перакладаў. Фундаваў касьцёлы ў Налібаках, Дунілавічах.

У шлюбе э Марынай з Мышкаў меў дачок Альжбету і Крыстыну, а таксама сыноў Станіслава, Юрыя, Мікалая Крыштапа і Альбрэхта Станіслава^[1].

Вялікае княства Літоўскае: Энцыклапедыя. У 3 т. / рэд. Г. П. Пашкоў і інш. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — 788 с. — ISBN 985-11-0378-0

Станіслаў Радзівіл — сховішча мультымэдыйных матэрыялаў