![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/36/Vilnius_Landmarks_128.jpg/640px-Vilnius_Landmarks_128.jpg&w=640&q=50)
Віленскі Траецкі манастыр
From Wikipedia, the free encyclopedia
Віленскі Траецкі манастыр — помнік гісторыі і архітэктуры XVI—XIX стагодзьдзяў у Вільні. Знаходзіцца ў паўднёвай частцы Старога Места, на Вастрабрамскай вуліцы[lower-alpha 1]. Будаваўся як манастыр для манахаў-базылянаў Грэцка-Каталіцкай (Уніяцкай) царквы, з 1991 году дзее ў юрысдыкцыі Ўкраінскай грэцка-каталіцкай царкве. Твор гатычнай архітэктуры Вялікага Княства Літоўскага, барока і клясыцызму, мастацкае аблічча якога пацярпела ў выніку маскоўскай перабудовы. Аб’ект Рэгістру культурных каштоўнасьцяў Летувы.
Помнік сакральнай архітэктуры | |
Віленскі Траецкі манастыр | |
![]() Базылянская брама і вежы Траецкай царквы | |
Краіна | Летува |
Места | Вільня |
Каардынаты | 54°40′31″ пн. ш. 25°17′18″ у. д. |
Канфэсія | каталіцтва |
Архітэктурны стыль | беларуская готыка |
Дата заснаваньня | 1514 |
Віленскі Траецкі манастыр на мапе Летувы ![]() ![]() Віленскі Траецкі манастыр | |
![]() |
Комплекс Віленскага базылянскага манастыра складаецца з царквы Сьвятой Тройцы, у тым ліку капліцаў Покрыва Багародзіцы (пазьней да яе прыбудавалі царкву Сьвятога Яна Багаслова) і Ўзьвіжаньня Сьвятога Крыжа, званіцы, мужчынскага і жаночага манастырскіх карпусоў, агароджы і манумэнтальнай Базылянскай брамы. У міжваенны час Базылянскія муры[1] былі цэнтрам беларускага культурнага жыцьця: тут працавалі Віленская беларуская гімназія і Беларускі музэй імя Івана Луцкевіча.