Дзяніс Марціновіч

Дзяніс Марціновіч (1986, Менск) — беларускі гісторык, літаратурны і тэатральны крытык, журналіст.

Дзяніс Марціновіч лац. Dzianis Marcinovič
Дзяніс Аляксандравіч Марціновіч
Род дзейнасьці	Журналіст
Дата нараджэньня	8 жніўня 1986 (38 гадоў)
Месца нараджэньня	Менск, Беларуская ССР, СССР
Грамадзянства	Беларусь
Месца вучобы	Беларускі гуманітарны ліцэй імя Якуба Коласа Ліцэй Беларускага дзяржаўнага ўнівэрсытэту гістарычны факультэт БДУ
Занятак	літаратуразнаўца, тэатральны крытык, журналіст, літаратурны крытык, гулец у інтэлектуальныя гульні
Навуковая сфэра	літаратуразнаўства[1] і літаратурная крытыка[1]
Месца працы	Літаратура і Мастацтва TUT.BY
Бацька	Алесь Марціновіч
Узнагароды	Нацыянальная літаратурная прэмія (2015)
Сайт	denis86.blog.tut.by
Дзяніс Марціновіч у Вікісховішчы

Вікіпэдыя мае артыкулы пра іншых асобаў з прозьвішчам Марціновіч.

Жыцьцяпіс

Нарадзіўся ў сям’і пісьменьніка Алеся Марціновіча. Брат Ягор Марціновіч працуе журналістам. Вучыўся ў Нацыянальным гуманітарным ліцэі імя Якуба Коласа. Скончыў Ліцэй Беларускага дзяржаўнага ўнівэрсытэту (2004). Як пераможца рэспубліканскай алімпіяды па гісторыі быў залічаны без экзамэнаў на гістарычны факультэт БДУ, які скончыў у 2009 годзе з чырвоным дыплёмам. У 2010 г. закончыў магістратуру таго ж факультэта па спэцыялізацыі «ўсеагульная гісторыя». Магістар гістарычных навук (2010). Зь лістапада 2010 г. асьпірант гістарычнага факультэта БДУ. Адначасова зь 2010 г. аглядальнік газэты «Літаратура і Мастацтва».

Творчасьць

Вонкавыя выявы
	Выпуск праграмы «Дыяблог. Пра літаратуру» на тэлеканале «Беларусь 3» з удзелам Дзяніса Марціновіча. 23 лістапада 2015

Друкуецца з 1999 году. Піша на беларускай і расейскай мовах. Аўтар кнігі «Донжуанскі сьпіс» Караткевіча" (Менск, 2012) і больш як 300 публікацыяў (навуковыя артыкулы аб грамадзка-палітычным разьвіцьці СССР 1920-30-х гадоў і беларускай гістарычнай літаратуры ХХ ст., рэцэнзіі на творы сучасных беларускіх пісьменьнікаў і пастаноўкі ў драматычным і музычным тэатрах). Друкаваўся ў часопісах «Беларуская думка», «Бярозка», «Дзеяслоў», «Маладосць», «Мастацтва», «Нёман», «Полымя», «Роднае слова», газэтах «Культура», «Літаратура і Мастацтва», «Настаўніцкая газэта» і іншых.

Кніга

У 2012 годзе ў сэрыі «Менскія маладыя галасы», якую заснавала Менскае гарадзкое аддзяленьне Саюза пісьменьнікаў Беларусі выйшла кніга «Донжуанскі сьпіс» Караткевіча: Літаратуразнаўчыя дасьледаваньні і артыкулы" (Мн.: «Чатыры чвэрці», 2012. — 114 с.). У ёй дасьледуюцца асобы 10 жанчынаў, якіх кахаў Уладзімер Караткевіч. Імёны некаторых зь іх уведзены ў навуковы зварот упершыню.

Прызнаньне

• Чэмпіён Беларусі сярод школьнікаў па гульні «Брэйн-рынг» (у складзе каманды «Дурол»; 2004).
• Бронзавы прызэр чэмпіянату Беларусі сярод школьнікаў па гульні «Што? Дзе? Калі?» (у складзе каманды «Дурол»; 2004).
• Ляўрэат рэспубліканскага конкурсу навуковых працаў студэнтаў вышэйшых навучальных установаў Рэспублікі Беларусь (2007).
• Сябра Саюзу пісьменьнікаў Беларусі (з 2012 году).
• «Нацыянальная літаратурная прэмія» ў намінацыі «Лепшы твор літаратурнай крытыкі і літаратуразнаўства» за кнігу «Жанчыны ў жыцці Ўладзіміра Караткевіча» (2015)^[2][3].

Крыніцы

1. Marcìnovìč, Dzjanìs Aljaksandravìč // Нацыянальная служба Чэскай рэспублікі
2. Яна Багданава (6 верасьня 2015) 6 авторов получили Первую национальную литературную премию (рас.) Праверана 7 верасьня 2015 г.
3. Аўтар «Нашай Нівы» стаў уладальнікам Першай нацыянальнай літаратурнай прэміі. Наша Ніва (6 верасьня 2015). Праверана 7 верасьня 2015 г.

Літаратура

• Фёдар Афанасьеў. «Донжуанскі сьпіс» Караткевіча раскрыты // Культура : газэта. — 26 траўня 2012. — № 21 (1044). — С. 14.
• Аксана Бязьлепкіна. Літаратуразнаўства і донжуанства // Зьвязда : газэта. — 6 чэрвеня 2012. — № 106 (27221). — С. 6. — ISSN 1990-763x.
• Алена Карп. Тактоўная правакацыя // Літаратура і мастацтва : газэта. — 8 чэрвеня 2012. — № 23 (4669). — С. 20. — ISSN 0024-4686.

Вонкавыя спасылкі

• Дзяніс Марціновіч на сайце «Беларускія акторы тэатра і кіно»
• Дзяніс Марціновіч на партале «Arche»