Віталь Воўк

Віта́ль Міха́йлавіч Воўк (нар. 1962, Каленкавічы, Гомельская вобласьць, БССР) — беларускі дзяржаўны дзяяч, міністар прамысловасьці Рэспублікі Беларусі.

Віталь Воўк
Міністар прамысловасьці Рэспублікі Беларусі
27 сьнежня 2014 — 16 жніўня 2018
Прэзыдэнт:	Аляксандар Лукашэнка
Прэм’ер-міністар:	Андрэй Кабякоў
Папярэднік:	Дзьмітры Кацярыніч
Наступнік:	Павал Уцюпін
Генэральны дырэктар ААТ «Менскі завод колавых цягачоў»
4 кастрычніка 2011 — 27 сьнежня 2014
Папярэднік:	Генадзь Сінягоўскі
Наступнік:	Ігар Летаў
Асабістыя зьвесткі
Нарадзіўся:	1962 (62 гады) Каленкавічы
Адукацыя:	Беларускі політэхнічны інстытут Акадэмія кіраваньня пры прэзыдэнце Рэспублікі Беларусі
Узнагароды:	Ордэн Пашаны (Беларусь)

Вікіпэдыя мае артыкулы пра іншых асобаў з прозьвішчам Воўк (неадназначнасьць).

Жыцьцяпіс

Скончыў у Каленкавічах сярэднюю школу №3. У 1984 року скончыў Беларускі політэхнічны інстытут па спэцыяльнасьці «аўтамабілі і трактары».

У 1984—2001 роках працаваў на розных пасадах на Менскім аўтамабільным заводзе, а затым — Менскім заводзе колавых цягачоў. У 2001—2006 роках зьяўляўся генэральным дырэктарам ТАА «Юкола-Сэрвіс» і ТАА «Юкола Мотарс». У 2006—2010 роках — намесьнік генэральнага дырэктара вытворчага рэспубліканскага ўнітарнага прадпрыемства «Менскі завод колавых цягачоў» па камэрцыйных пытаньнях.

У 2009 року скончыў Акадэмію кіраваньня пры прэзыдэнце Рэспублікі Беларусі, атрымаўшы спэцыяльнасьць «дзяржаўнае кіраваньне нацыянальнай эканомікай».

З 2010 па 2011 год Віталь Воўк зьяўляўся генэральным дырэктарам сумеснага таварыства з абмежаванай адказнасьцю «Волат-Санцзян(be)». З кастрычніка 2011^[1] па сьнежань 2014 узначальваў ААТ «Менскі завод колавых цягачоў».

27 сьнежня 2014 прызначаны міністрам прамысловасьці Рэспублікі Беларусь. Зьняты з пасады 16 жніўня 2018 году за невыкананьне даручэньняў прэзыдэнта Беларусі па комплексным разьвіцьці Аршанскага раёну^[2][3].

Узнагароды

• Ордэн Пашаны (2014)^[4]

Крыніцы

1. Савіч, Вольга (3 кастрычніка 2011) Генеральным директором ОАО «МЗКТ» назначен Вовк Виталий Михайлович (рас.). Дзяржаўны вайскова-прамысловы камітэт Рэспублікі Беларусі. Праверана 14 жніўня 2018 г.
2. Лукашэнка ўсё ж звольніў двух міністраў за «невыкананьне ягоных даручэньняў», Радыё Свабода, 16-08-2018
3. Лукашенко снял с должности двух министров. Intex-press, 16-08-2018
4. Аляксандар Лукашэнка ўдастоіў дзяржаўных узнагарод прадстаўнікоў розных сфэр дзейнасьці // Афіцыйны інтэрнэт-партал прэзыдэнта Рэспублікі Беларусі, 24 чэрвеня 2014 г. Праверана 14 жніўня 2018 г.

Вонкавыя спасылкі

• Жыцьцяпіс на бачыне Міністэрства прамысловасьці