Viber
From Wikipedia, the free encyclopedia
Viber (бел. Вайбэр) — дастасунак VoIP для смартфонаў, якія працуюць на плятформах Android, BlackBerry OS, iOS, Symbian, Windows Phone, Bada і кампутараў пад кіраваньнем Windows, macOS і Linux.
Viber | |
![]() | |
Распрацоўка | «Ракутэн» (Японія) |
---|---|
Апошняя вэрсія | |
Напісаны на | C, C++, Python |
АС | Android, BlackBerry(en), iOS(en), Лінукс (Убунту, Фэдора), macOS, Symbian, Windows, Windows Phone |
Тып | сафтфон |
Ліцэнзія | карыстальніцкая |
Афіцыйная старонка | viber.com |
Інтэгруецца ў адрасную кнігу і аўтарызуецца па нумары тэлефона. Дазваляе ажыцьцяўляць бясплатныя званкі (аплата толькі за інтэрнэт-трафік) у высокай якасьці паміж смартфонамі з устаноўленым Viber, перадаваць тэкставыя паведамленьні, малюнкі, відэа- і аўдыёпаведамленьні, перасылаць электронныя дакумэнты і файлы, таксама платна тэлефанаваць на стацыянарныя тэлефоны[1]. На Symbian магчымы толькі абмен тэкставымі паведамленьнямі. Стварэньне праграмы ажыцьцявіла кіпрскае прадпрыемства «Вайбэр Мэдыя» (анг. Viber Media), заснаванае ізраільцянам Тальманам Марка і беларускім грамадзянінам Ігарам Магазіньнікам (нар. 1975; Ніжні Ноўгарад, Расейская СФСР). Цэнтры распрацоўкі месьцяцца ў Беларусі (Берасьце і Менск) і Ізраілі.