Sidsudan, amtle Republic of South Sudan,[1] is a vo Land umschlossna Stoot in n noadwestlinga Ostafrika.[2][3] Es Land stousst af n Oustn mid Etiopia, af n Noadn min Sudan, af n Westn mid da Zentrolafrikanischa Repablik, af n Sidwestn mid da Demokratischn Repablik von n Kongo, af n Siḏn mid Uganda un af n Sidoustn mid Kenya zamma.
![Thumb](http://upload.wikimedia.org/wikipedia/commons/thumb/9/92/South-sudan-political-map.jpg/640px-South-sudan-political-map.jpg)
![Thumb](http://upload.wikimedia.org/wikipedia/commons/thumb/f/f0/Karte_S%C3%BCdsudan_Bundesstaaten.png/640px-Karte_S%C3%BCdsudan_Bundesstaaten.png)
![Thumb](http://upload.wikimedia.org/wikipedia/commons/thumb/a/a2/Southern_Sudan_Civil_War.svg/640px-Southern_Sudan_Civil_War.svg.png)
Da Sidsudan houd 2011 d Unohangekait vo da Repablik von n Sudan daglengt un is doudamid da am nejchan u letztingan suweren gwoanane Stoot, en wou ma intanazionol aa dakennt.[4] D Hapstod u gressta Metropoln is Juba. Es umfasst es trum Moos- oda Sumpfgengt von n Sudd, d wou ma aa Bahr al-Dschabal hoisst u duach n Weissn Nil gfuamt wiad.
Da Sudan is vo Egiptn unta da Dynasti von n Muhammad Ali bsetzt gweng un is von n Anglo-Egiptischn Gmoaheaschaft (Kondominat) bis za Unohangekait 1956 reḡiad waon. Nou en Ejaschtn Sudanesischn Birḡakrejḡ is 1972 d Autonoma Reḡion Sidsudan grindt woan u houd bis 1983 dauat. A zwoata sudanesischa Birḡakrejḡ is asbrochn u houd 2005 min Naivasha-Okumma gendigt. Spaada in n gleichn Joua is d sidlinga Autonomi widaheagstellt u d Autonoma Reḡiring von n Sidsudan gfuamt woan. Nou an Referendum in Jenna 2011 hod da Sidsudan en 9. Jule 2011 d Unohangekait daglengt.[5][6] Es Land houd vill intaethnischa resp. zwischnvelklata Brutalitejt dalittn un an Birḡakrejḡ duachgmacht, da wou vo d ganzn Seitn von an exzessivn Nikswissn vo d Menschnrechtt kennzoachnad gweng is, mid mejranan velklatn Bloutopan, Gruppnleichtn u Schurnalistnjoḡatn von Joua 2013 bis zen 22. Fewa 2020, wou d sidsudanesischn Riwalna da Salva Kiir Mayardit u da Riek Machar an Oahaitsdeal gfunna un a Reḡiringskoalezion gfurmt hom,[7] wos en Weḡ fia d Widakeja vo Flichtling nou giamt houd.[8]
Da Sidsudan houd a Bvelkaring vo umma 12 Millionna Leit, am mejran Nilotischa Velkl, un is demografisch oina vo de jingastn Stootn mid umma 50% unta 18 Jouana.[9] D Iwazol vo d Eiwoana fulgt en Kristntum un indigena Releḡiona. Es Land is a Middabei oda Midglid vo da UN,[10][11] da Afrikanischn Union,[12] da Oustafrikanischn Gmoischaft,[13] da Intergovernmental Authority on Development (IGAD)[14] u ba de Genfa Konwenzionna.[15] In Joua 2019 is da Sidsudan af n fuafualetztn Plotz in n World Happiness Report,[16] af n fualetztn Plotz in n Global Peace Index un af n fuafualetztn Plotz in n Fragile States Index[17] ghaucht.
Galeri
- D Glidarung seit 2015 mid 28 Bundesstootn.
- D Glidarung seit 2017 mid 32 Bundesstootn.
- Schutzgebejtt in n Sidsudan.
- D Haptstod Juba.
- D Kiach vo Yirol.
- Ial- u Gas-Konzessiona in n Sudan u Sidsudan.
- A Lufdbild vo Juba.
- A Strouss i Juba.
- A Zoufluß von n Weissn Nil, da Sobat.
- A Transpoatschif.
- Fischfang in n Sudd.
- A Zuḡ.
- A Stroussn z Malakal.
- A Deaffal.
Beleg
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.