![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/dd/%25D8%25AA%25D8%25AE%25D8%25B7%25D9%258A%25D8%25B7_%25D9%2583%25D9%2584%25D9%2585%25D8%25A9_%25D8%25A7%25D9%2584%25D8%25A5%25D8%25B3%25D9%2584%25D8%25A7%25D9%2585.png/640px-%25D8%25AA%25D8%25AE%25D8%25B7%25D9%258A%25D8%25B7_%25D9%2583%25D9%2584%25D9%2585%25D8%25A9_%25D8%25A7%25D9%2584%25D8%25A5%25D8%25B3%25D9%2584%25D8%25A7%25D9%2585.png&w=640&q=50)
ЗакагӀат
From Wikipedia, the free encyclopedia
ЗакагІат (гӀар. زكاة) — щибав бусурманчиясда тIадаблъун исламалъ гьабураб магъало, лъагIалида жаниб бугеб боцIудаса жиб бахъулеб ва мискинал, пакъирал ва хIажатал гIадамазе жиб кьолеб. ЗакагІат — исламалъул рукнабазул цояб.
Исламалъул рукнаби
Аслиял къокъаби
Къосарал къокъаби
Маданият ва жамагІат
![]() ![]() ![]() ![]() ![]() ![]() ![]() |
Исламалъул лъабабилеб рукнулъун кколеб закагІат бахъиялъ мискин-пакъирзаби роххизарула, бусурбабазда гьоркьоб вацлъи цIикIкIинабула, гIадамазда гьоркьоса мискинлъи тIагIинабула, закагІат бахъарав чи гьелъ къарумлъиялдаса вацIцIад гьавула, гьесул боцIцIуда баракат лъола, гьесул боцIцIи цIубазабула, гьесул боцIцIи гьалаклъиялдаса цIунула.
Закат бахъичIев чиясул месед-гIарац къиямасеб къоялъ цIадабеги рехун махх цIадаб багIаризабулеб гIадин багIаризеги гьабун гьев чиясул нодоялда, гьумералда, хьибилазда, мугъалда цузабун гьесул тIом бухIизабула. ЗакагІат бахъичIев чи, гьесул гIи-боцIи къиямасеб къоялъ бищун чIахIиял хIайваназдеги сверун халкъалъул хIисаб-суал гьабун бахъинегIан гьез хIатIикь мерхьун лъурдул тункун гIазабгIакъубаялда вукIуна. Гьесул закат бахъичIеб гIарацмесед чIахIиял загьруял борхьаздеги сверун гьесда габунир жемула. Гьедин абулеб буго Къуран-хІадисалъ.
Гьединлъидал даранбазар гьабулел, ролъ, пурчІина, цIоросоролъ ва гь. ц. мугьал рекьулел, цIибил бакIарулел, гІарцул хиса-баси гьарулел, рокъоб месед-гІарац (серебро) бугел гIадамаз, лъазабизе ккола бахъулеб закагІаталъул къадар, закагІат бахъизе кколел боцIул тайпаби, закат кьезе кколел мискинпакъирзаби. Суннатаб садакъаялдаса меседил мугIрул садакъаде рикьиялдасаги цо диргьам (гъурущ) закагІаталъул бахъи кири цIикIкIараб буго. Суннатаб садакъаялъулги бицун хIалго кIолареб хиралъи буго, закат бахъун хадуса суннатаб садакъа гIемер гьабизе гIамал гьабизе ккола. [1]