45 Bootis (45 Boo / c Bootis / HD 134083)[7] ye una estrella de la constelación de Boötes de magnitú aparente +4,93. Alcuéntrase a 64 años lluz del Sistema Solar.
45 Bootis ye una estrella blancu-mariella de tipu espectral F5V con una temperatura superficial de 6516 - 6528 K.[8][9] Ye 3,54 vegaes más lluminosa que'l Sol[10] y tien un radiu de 1,37 radios solares.[11] Xira sobre sigo mesma con una velocidá de rotación de siquier 44,4 km/s.[9] Nun se detectó escesu nel infrarroxu nin a 24 nin a 70 μm, lo qu'en principiu refuga la presencia d'un discu circumestelar de polvu alredor d'ella.[12] La so masa ye un 38% mayor que la del Sol y tien una edá envalorada ente 1200[8] y 1600 millones d'años.[12]
45 Bootis exhibe una metalicidá comparable a la del Sol ([Fe/H] = +0,02).[8] Otros elementos evaluaos presenten niveles desemeyaos; ente que'l sodiu ye más abondosu que nel Sol —la so bayura relativa ye un 50% superior a la solar—, titaniu y níquel son menos abondosos. El conteníu d'esti últimu metal ye menos de la metá del esistente nel nuesu Sol.[13]
45 Bootis forma parte de l'Asociación estelar del sietestrellu. γ Leporis y ρ Capricorni son dos miembros d'esta asociación que les sos carauterístiques son bien paecíes a les de 45 Bootis.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
