El tipu espectral estelar, conocíu tamién como Clasificación espectral de Harvard, yá que lu empezó a esbozar Edward Charles Pickering de la Universidá de Harvard nel añu 1890, y que perfeicionó Annie Jump Cannon de la mesma universidá en 1901, ye la clasificación estelar más utilizada n'astronomía. Les distintes clases numbérense de les más templaes a fríes. Son les siguientes:
| Clas | Temperatura | Color Convencional | Masa | Radiu | Lluminosidá | Llinies d'absorción | Exemplu |
|---|---|---|---|---|---|---|---|
| O | 28 000 - 50 000 K | Azul | 60 | 15 | 140 000 | Nitróxenu, carbonu, heliu y oxíxenu | 48 Orionis |
| B | 9600 - 28 000 K | Blancu azuláu | 18 | 7 | 20 000 | Heliu, hidróxenu | Rigel |
| A | 7100 - 9600 K | Blancu | 3,1 | 2,1 | 80 | Hidróxenu | Siriu A |
| F | 5700 - 7100 K | Blancu amarellentáu | 1,7 | 1,3 | 6 | Metales: fierro, titaniu, calciu, estroncio y magnesiu | Canopus |
| G | 4600 - 5700 K | Mariellu | 1,1 | 1,1 | 1,2 | Calciu, heliu, hidróxenu y metales | El Sol |
| K | 3200 - 4600 K | Mariellu anaranxáu | 0,8 | 0,9 | 0,4 | Metales y óxidu de titaniu | Albireo A |
| M | 1700 - 3200 K | Bermeyu | 0,3 | 0,4 | 0,04 | Metales y óxidu de titaniu | Betelgeuse |
- Les magnitúes Masa, Radio y Lluminosidá, en proporción respeuto al Sol (Sol=1).
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Les distintes clases estrémense darréu siguiendo númberos arábicos del 0 al 9. A0 especifica les estrelles más calientes de la clase A, mientres que A9 refierse a les más fríes. Por exemplu, el Sol ye una estrella de tipu G2. Esta clasificación complétase colos tipos R, N y S.
La diagrama Hertzsprung-Russell rellaciona la clasificación espectral cola magnitú absoluta, lluminosidá y temperatura superficial de les estrelles. Esiste una regla nemotécnica pa recordar la secuencia, consistente nuna frase n'inglés que les sos pallabres empiecen por eses lletres: Oh Be A Fine Girl/Guy/Gay, Kiss Me Right Now Sweetly. Tamién esiste una regla mnemotécnica n'asturianu: ¡Oh, Bienllegaos Afamaos Feligreses!, Glayó Krispín Mientres Regaba los Nuesos Sabugos.
Ver tamién
- Tipu espectral (asteroides)
- Clasificación estelar
Referencies
Enllaces esternos
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
