Rho Capricorni (ρ Cap / 11 Capricorni)[8][9] ye una estrella de magnitú aparente +4,81 na constelación de Capricorniu. Ensin nome propiu habitual, dacuando denómase como Bos, «güe» o «vaca» en llatín.[10] Alcuéntrase a 99 años lluz de distancia del Sistema Solar.
Rho Capricorni ye una estrella binaria que la so componente principal ye una estrella de la secuencia principal —antes catalogada como subxigante—[9] de tipu espectral F3V[8] y magnitú +5,01.[11]
Tien una temperatura efectivo de 6741 - 6763 K[12][13] y la so masa envalorada ye un 32% mayor que la masa solar.[14] Xira sobre sigo mesma con una velocidá de rotación igual o superior a 87,7 km/s.[13] Tocantes a la componente secundaria, namái se conoz la so magnitú, +7,06.[11]
Les dos componentes foron resueltes per aciu interferometría de moteáu, siendo la separación visual ente elles de 1,163 segundos d'arcu,[15] lo que se traduz nuna separtación ente elles de, siquier, 33 UA. El sistema tien una metalicidá —bayura relativa d'elementos más pesaos que'l heliu nuna estrella— llixeramente inferior a la solar ([Fe/H] = -0,06) y una edá envalorada de 1500 millones d'años.[16] Nun se detectó escesu nel infrarroxu nin a 24 μm nin a 70 μm,[17] lo qu'en principiu refuga la presencia d'un discu de polvu al so alredor.
Rho Capricorni forma parte de la corriente d'estrelles de l'Asociación estelar del sietestrellu, qu'inclúi, ente otres estrelles, a 78 Ursae Majoris, ξ Bootis y 45 Bootis,[18] toes elles de carauterístiques asemeyaes a Rho Capricorni.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
