18 Bootis (18 Boo)[7] ye una estrella de la constelación de Boötes de magnitú aparente +5,40. Formaba parte de l'antigua constelación, güei refugada, de Mons Maenalus, que simbolizaba'l monte sobre la que se sofitaba Bootes. Alcuéntrase a 85 años lluz del Sistema Solar.
18 Bootis ye una subxigante blancu-mariella de tipu espectral F5IV con una temperatura superficial de 6609 - 6622 K.[8][9][10] Ye 4,8 vegaes más lluminosa que'l Sol y tien un radiu un 60% más grande que'l radiu solar.[11] Xira sobre sigo mesma apriesa con una velocidá de rotación de siquier 40,5 km/s,[10] evidenciando actividá cromosférica de resultes de la so rápida rotación.[12] Presenta una metalicidá comparable a la del Sol ([Fe/H] = +0,01) y la so bayura de litiu (logє[Li] = 1,80) ye más alta que la solar.[13] La so masa ye un 35% mayor que la masa solar y tien una edá envalorada de 1100 millones d'años.[9]
18 Bootis forma parte de l'Asociación estelar del sietestrellu, grupu d'estrelles con velocidaes similares pel espaciu y con un orixe común. 45 Bootis, γ Leporis y ρ Capricorni son otros miembros d'esta asociación d'asemeyaes carauterístiques.[7]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
