حسن حبشى
From Wikipedia, the free encyclopedia
حسن حبشى محمد محمود ( القاهره ، 21 مارس 1915 - القاهره ، 17 يوليه 2005) ، مؤرخ و مترجم و باحث تاريخى مصرى كبير. كان استاذ فى تاريخ العصور الوسطى فى جامعة عين شمس فى القاهره كتب و ترجم و حقق عدد كبير من الكتب التاريخيه. بيعتبر من فطاحل المؤرخين المصريين فى العصر الحديث. اتلقب بـ " شيخ المؤءرخين ".
| ||||
---|---|---|---|---|
معلومات شخصيه | ||||
الميلاد | 21 مارس 1915 [1] | |||
تاريخ الوفاة | 17 يوليه 2005 (90 سنة)[1] | |||
مواطنه | مصر | |||
الحياه العمليه | ||||
المدرسه الام | جامعة لندن (التخصص:تاريخ ) (الشهادة:دكتوراه ) (–1955) | |||
تخصص اكاديمى | تاريخ | |||
شهاده جامعيه | دكتوراه | |||
المهنه | كاتب ، واستاذ جامعه | |||
اللغات المحكيه او المكتوبه | عربى ، وانجليزى ، ولغه فرنساوى ، ولاتينى | |||
موظف فى | جامعة عين شمس | |||
تعديل مصدري - تعديل |
اتولد فى القاهره فى حى السيده زينب سنة 1915 ، و بعد ما خلص دراسته المدرسيه دخل كلية الاداب قسم تاريخ فى جامعة فؤاد الاول و بعد ما أخد الليسانس فى التاريخ اخد الماجيستير سنة 1946 ، و بعدها سافر انجلترا و اخد شهادة الدكتوراه فى فلسفة التاريخ من جامعة لندن (1955). اشتغل " استاذ كرسى " فى التاريخ الاسلامى و الوسيط فى جامعة عين شمس ، و اشتغل ملحق ثقافى فى السفاره المصريه فى باكستان. شارك فى مؤتمرات دوليه كتيره و ساهم فى كتابة الموسوعات التاريخيه.
بالاضافه لمؤلفاته عن العصور الوسطى و الحروب الصليبيه و العصر المملوكى ، بفضل علمه و نبوغه و تمكنه من لغات كتيره منها الانجليزى و الفرنساوى و اللاتينى ترجم كذا كتاب من كتب المصادر التاريخيه المهمه عن فترة الحروب الصليبيه زى كتاب وليام الصورى " تاريخ الاعمال اللى تمت ورا البحار " (ترجمه بعنوان " الحروب الصليبية " ، و الجستا " ( تاريخ الفرنجه و حجاج بيت المقدس ) ، و حوليات جوانفيل عن الحمله الصليبيه السابعه اللى قادها لويس التاسع ضد مصر ، و مذكرات المبعوث الفرنساوى " فلهاردوان " عن الحمله الصليبيه الرابعه ، و مذكرات " روبرت كلارى " ، و كتاب "ألكسياد " اللى كتبته المؤرخه البيزنطيه الاميره انا كومنينا. الدكتور حبشىاشتغل مان تحقيقات كتيره لكتب مؤرخين العصور الوسطى.
اخد جوايز كتيره من مصر و من بلاد تانيه و كان عضو فى لجنةالتاريخ بالمجلس الاعلى للثقافه.