تاريخ
From Wikipedia, the free encyclopedia
التاريخ، بالانجليزى History و بالفرنساوى Histoire و الكلمتين مشتقين من الكلمه اليونانى ‹هيستوريا› "ἱστορία" بمعنى التعلم او المشاهده، يعنى كل حاجه بتتعلق بالانسان من وقت ما ابتدى يسيب آثاره على الارض.
| ||||
---|---|---|---|---|
تطابق تام | http://id.cabi.org/cabt/57756[1] http://www.eionet.europa.eu/gemet/concept/3983[2][3] http://linkeddata.ge.imati.cnr.it/resource/EARTh/89480[2] | |||
تعديل |
بيقول المؤرخ السخاوى إن التاريخ " فن بيبحث عن وقائع الزمان من التعيين و التوقيت، و موضوعه الانسان و الزمان ". ارسطو استعمل كلمة " هستوريا " بمعنى السرد المنظم لمجموعه من الظواهر الطبيعيه بغض النظر عن إذا كان السرد ده وفق تسلسل زمنى او لاء، زى ما بيستعمل دلوقتى فى " التاريخ الطبيعى ". لكن دلوقتى استعمال كلمة تاريخ بتختص بحالة السرد المرتب زمنى، و فى المعنى العام كلمة تاريخ بقت معناها " ماضى الانسان ".
كلمة تاريخ معناها مجموعه من الأحداث حصلت فى الماضى، و بتحصل دلوقتى، و بعدين التنبؤ على هداها باللى حايحصل فى المستقبل. بيقول ابن خلدون فى مقدمته " فن التاريخ عزيز المذهب شريف الغايه، أذ هو يوقفنا على أحوال الماضيين من الأمم فى أخلاقهم، و الأنبياء فى سيرهم، والملوك فى دولهم و سياستهم، لحد تتم الفائدة فى الإقتداء بكده لمن يرومه فى أحوال الدين الدنيا "، بالمفهوم ده التاريخ بيتناول الماضى و الحاضر و المستقبل.