Honduras

Honduras isch en Schtaat z Latinamerika. Er ligt uf de Landbrugg zwüsche Nord- und Südamerika, also z Mittelamerika. Nachbarländer sind Guatemala, Nicaragua, El Salvador. Im Norde und im Süde gränzt Honduras jewils ans Meer, d Nordküschte and Karibik, d Südküschte an de Pazifik.

República de Honduras Republik Honduras
{{{ARTIKEL-FLAGGE}}} {{{ARTIKEL-WAPPEN}}}
Wahlspruch: „Libre, Soberana e Independiente“
Amtsspraach	Spanisch
Hauptstadt	Tegucigalpa
Staatsoberhaupt und Regierigschef	Xiomara Castro
Flächi	112.412 km²
Iiwohnerzahl	9.540.539
Bevölkerigsdichti	84,72 Iiwohner pro km²
Bruttoinlandsprodukt	26.325 Mio. US$
Brutto­inlands­produkt pro Iiwohner	2.655 US$
Human Development Index	0,623 (132.)
Währig	Lempira
Unabhängigkeit	15. September 1821
Nationalhimne	Tu bandera es un lampo de cielo
Nationalfiirtig	15. September (1821 - Tag der Unabhängigkeit)
Zitzone	UTC−6
Kfz-Kennzeiche	HN
Internet-TLD	.hn
Vorwahl	+504

Geographii

Di karibisch Küschte vo Honduras isch öppe 644 km und d Pazifikküschte 124 km lang. Vo Oscht nach Wescht ischs Land vo eme Bärg massiv durchzoge. De höchschti Bärg isch mit 2870 Meter ü.M. de Cerro de Celaque. Di meischte Lüt läbet im Weschte vom Land und nördlich vom Yojoasee.

Klima

S Klima vo Honduras isch in de Tüüflage tropisch. Es isch derte s ganz Johr füücht und Temperature sind bi öppe 26 °C im Schnitt. An de Pazifikküschte isch es im Winter troche und s Johresmittel vo de Temperatur isch bi öppe 31 °C. No einisch anderscht isch Klima im Landesinnere, wo d Bärge sind. Klimatisch ghört Hochland zu de gmässigte Zone het e e Johersdurchschnittstemperatur vo öppe 20 °C.

Gwässer

Di meischte Flüss flüsset zum Atlantik reschpektiv zu de Karibik. De längschti Fluss isch de Rio Patuca mit 320 km und de Rio Ulua mit 240 km. De Yojoasee isch mit ere Flächi vo 285 Quadratkilometer de gröschti See im Land und schpilt bi de Trinkwasserversorgig e wichtigi Rolle.

Politischi Gliiderig vo Nordamerika 23 nordamerikanischi Mitgliidstaate vo de Vereinte Natione: Kanada | Mexiko | Vereinigti Staate  Zentralamerika:  Belize | Costa Rica | El Salvador | Guatemala | Honduras | Nicaragua | Panama  Karibik:  Antigua und Barbuda | Bahamas | Barbados | Dominica | Dominikanischi Republik | Grenada | Haiti | Jamaika | Kuba | St. Kitts und Nevis | St. Lucia | St. Vincent und d Grenadine | Trinidad und Tobago1 Anderi Gebiet: Amerikanische Jumpfereinsle (USA) | Anguilla (UK) | Aruba (NL) | Bermuda (UK) | Bonaire, Saba und Sint Eustatius (NL) | Britischi Jumpfereinsle (UK) | Curaçao (NL) | Grönland (DK) | Guadeloupe (F) | Kaimaninsle (UK) | Martinique (F) | Montserrat (UK) | Navassa (USA) | Puerto Rico (USA) | San Andrés und Providencia (COL) | Saint-Barthélemy (F) | Saint-Martin (F) | Saint-Pierre und Miquelon (F) | Saint-Martin (NL)  | Turks- und Caicosinsle (UK) 1lit uf em südamerikanische Festlandssockel.