Turks- und Caicosinseln

D Turks- und Caicosinsle, mänggisch sait män e au nume Turks & Caicos, si e britischs Überseegebiet im Atlantischen Ozean. Es setzt sich us zwei Inselgruppe zsämme, de Turks- und de Caicos-Insle.

Turks and Caicos Islands Turks- und Caicosinsle
{{{ARTIKEL-FLAGGE}}}
Amtsspraach	Änglisch
Hauptstadt	Cockburn Town uf Grand Turk Island
Staatsoberhaupt und Regierigschef	König Charles III. Gouverneur: Gordon Wetherell Regierigschef: vakant[1]
Flächi	403 km²
Iiwohnerzahl	öbbe 33.000 (Stand Ändi 2006)
Währig	US-Dollar
Nationalhimne	God Save the King
Zitzone	UTC –4
Internet-TLD	.tc
Vorwahl	+1 (649) lueg NANP

Geographii

250 km südlig lit d Insle Hispaniola mit Haiti, 130 km südwestlig d Inselgruppe Inagua, wo zu de Bahamas ghört, 120 km nordwestlig d Hauptgruppe vo de Bahamas. Zwar lige d Turks- und Caicosinsle geographisch im Atlantik, si wärde aber doch zur Karibik zelt; die beide chliine Inselgruppe bilde die südöstlige Usläufer vo de Bahamas.

D Gsamtflechi vo alle Insle isch öbbe 430 km². D Hauptstadt isch Cockburn Town uf Grand Turk Island.

Bevölkerig

D Bevölkerig het Ändi 2006 öbbe 33.300 Mensche zelt, wo sich sälber as Belongers bezeichne. Si bestoht us de Nochfahre vo afrikanische Sklave und ere gmischt europäische Minderheit.