From Wikipedia, the free encyclopedia
Breitnau isch e Ort 30 km östlich vu Friburg im Brisgau im Südschwarzwald (Hochschwarzwald).
| Wappe | Ditschlandkart | |
|---|---|---|
 |
| |
| Basisdate | ||
| Dialekt: | Alemannisch | |
| Hauptvariante: | Nideralemannisch | |
| Regionalvariante: | Oberrhialemannisch | |
| Lokalvariante: | Schwarzwald | |
| Bundesland: | Bade-Wirttebärg | |
| Regierungsbezirk: | Friburg | |
| Landkrais: | Brisgau-Hochschwarzwald | |
| Heh: | 1018 m i. NHN | |
| Flech: | 39,9 km² | |
| Iiwohner: |
1736 (31. Dez. 2022)[1] | |
| Bevelkerungsdicht: | 44 Iiwohner je km² | |
| Boschtlaitzahl: | 79874 | |
| Vorwahl: | 07652 | |
| Kfz-Kennzaiche: | FR | |
| Gmeischlissel: | 08 3 15 016 | |
| Adress vun dr Gmaiverwaltung: |
Dorfstraße 11 79874 Breitnau | |
| Webpräsenz: | ||
| Burgermaischter: | Josef Haberstroh | |
| Lag vo de Gmai Breitnau im Landkrais Brisgau-Hochschwarzwald | ||
 | ||
Dr Breitnauer Bann isch sehr wittläufig mit viile, verstrait glägene, zum Deil grosse Burehöf, die meiste devu mit em fier dr Schwarzwald typische Krüppelwalmdach. Dr eigentlich Ortskern isch vergliichwiis klei, isch aber in dr ledschte Johre im Zuenämme begriffe.
Breitnau lit 10 km vum Titisee entfernt.
Breitnau wird erschtmols 1275 als Breittnowe urkundlich erwähnt, es isch aber wohl älder, wil die erscht Kilche um 1200 erbaut worre isch. Es isch domols im Bsitz vu dr Herre vu Falkestei gsi. 1408 hän die inzwische verarmte Falkesteiner ihr Besitz an die Herre Schnewlin vu Landeck verkauft.
E Kilche isch am Ort sit ca. 1200 noochwiisbar. Die hüttig Pfarrkilche stammt vu 1753.
Mit em südlich glägene Noochberort Hinderzarte bildet Breitnau e Verwaltungsgmeinschaft un deilt sich Grund- un Hauptschuel.
Ergebnis vo dr Landdagswahle sit 2006:[2]
| Johr | CDU | SPD | FDP | Grieni | Linki1 | AfD | Suschtigi |
| 2016 | 34,3 % | 6,3 % | 14,1 % | 28,2 % | 2,5 % | 10 % | 4,6 % |
| 2011 | 42,5 % | 16,1 % | 5,7 % | 27,7 % | 2,8 % | 5,2 % | |
| 2006 | 55,7 % | 18,5 % | 7,4 % | 13,3 % | 2,4 % | 2,8 % |
1 2006: WASG, sit 2011: Die Linke
Breitnau läbbt iberwigend vu Forst- un Weidewirtschaft, in dr Nächi vu dr Bundesstross 500 spilt au Tourismus e Rolle. Im Summer eignet sich Breitnau fier Wanderunge, wo, wil s'Glände in witte Beriiche e Art Hochebeni darstellt, keini grosse Astrengunge erfordere. Klars Wetter vorusgsetzt, ergäbbe sich debi witti Sichte iber d'Rhiebeni zue die jensits glägene Vogese. Es git aber au steili Wäg abi in s'uf Friburg füehrend Hölledal oder dur die wildromatisch Ravennaschlucht. Im Winter eignet sich Breitnau mit witte Loipe (Thurnerspur) un Aschluss an d'Skilanglaufstrecki Schonach - Hinderzarte fier dr Skilanglauf (Schneesicherheit isch in dr ledschte Johre allerdings nimmi gäbbe). Drei kleini Skilifte eigne sich eher fier dr lokal Abfahrtslauf.
Sit 1970 isch Breitnau als Kurort anerkennt.
Dur Breitnau verlauft die, dr Schwarzwald vu Norde nooch Süde durlaufende, B 500 (Schwarzwaldhochstross).
Sit em 21. Mai 1887 verbindet d'Hölledalbahn mit ihrem Bahnhof in Hinderzarte Breitnau mit em yberregionale Schinenetz.
S im Hölledal gläge Hotel Sterne isch historisch beditsam un bestoht sit iber 250 Johre. Dert hän schu Johann Wolfgang von Goethe un Felix Mendelssohn Bartholdy ibernachtet. Ebefalls im Hölledal befindet sich die romanisch Kilche St. Oswald.
Aluegenswert isch au s Hölledalviadukt am undere End vu dr Ravennaschlucht un schliessli dr näbe dr Dorfchilche gläge ald Pfarrhof, wo greeschtedeils originaltreu restauriert worre isch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
