e Gmaind z Bade-Würtebärg From Wikipedia, the free encyclopedia
Feldberg (Schwarzwald) isch e Gmei im Landchreis Brisgau-Hochschwarzwald in Bade-Württeberg.
| Wappe | Ditschlandkart | |
|---|---|---|
 |
| |
| Basisdate | ||
| Dialekt: | Alemannisch | |
| Hauptvariante: | Nideralemannisch | |
| Regionalvariante: | Oberrhialemannisch | |
| Lokalvariante: | Schwarzwald | |
| Bundesland: | Bade-Wirttebärg | |
| Regierungsbezirk: | Friburg | |
| Landkrais: | Brisgau-Hochschwarzwald | |
| Heh: | 1277 m i. NHN | |
| Flech: | 25 km² | |
| Iiwohner: |
1921 (31. Dez. 2022)[1] | |
| Bevelkerungsdicht: | 77 Iiwohner je km² | |
| Boschtlaitzahl: | 79868 | |
| Vorwahle: | 07676 / 07655 | |
| Kfz-Kennzaiche: | FR | |
| Gmeischlissel: | 08 3 15 037 | |
| Adress vun dr Gmaiverwaltung: |
Kirchgasse 1 79868 Feldberg-Altglashütten | |
| Webpräsenz: | ||
| Burgermaischter: | Johannes Albrecht | |
| Lag vo de Gmai Feldberg (Schwarzwald) im Landkrais Brisgau-Hochschwarzwald | ||
 | ||
Feldberg-Ort („S'Höchst im Schwarzwald“) lit uf dr Passhöchi vu dr Feldbergstross zwische nem Wiisedal im Süde un em Guetachdal im Norde, umiddelbar under em Gipfel vum Feldberg, dr höchste Erhebig vu Bade-Württeberg. Feldberg lit inmidde vum Naturpark Südschwarzwald.
Zue dr Gmei Feldberg im Schwarzwald ghöre Feldberg-Ort, Aldglashütte, Nöiglashütte, Bäredal un Falkau.
Feldberg isch höchebedingt die chältist Region vu Bade-Württeberg.
Die erst urchundlich Erwähnig vum Feldberg isch vu anno 983 bekannt, d'Gmei under em gliiche Namme isch aber erst 1939 enstande, dur d'Vereinigig vu dr vereinzelte Weidegebiit mit dr Gmei Bäredal.
Bäredal (970 Meter iber NHN) wird 1691 zum erste Mol erwähnt.
Wie dr Namme scho sait, beziegt sich säller Ortsnamme uf e Glashütte, wo 1634 gründet worre isch. Sit dr Gmeireform vu 1971 ghört der Ortsdeil zue dr Gmei Feldberg.
Dr Beriich vu Nöiglashütte isch dr Glasbloser nooch ere Afrog vu 1682 zuegwiise worre, um si witterhi mit Holz versorge zchänne. D'Igmeindig isch 1971 erfolgt.
Die anno 1675 gründet Holzknechtsidlig Falkau isch ebefalls im Zug vu dr Gmeireform igmeindet worre.
Ergebnis vo dr Landdagswahle sit 2006:[2]
| Johr | CDU | SPD | FDP | Grieni | Linki1 | AfD | Suschtigi |
| 2021 | 26,5 % | 11,6 % | 11,6 % | 32,1 % | 3,3 % | 8,1 % | 6,8 % |
| 2016 | 38,2 % | 10,4 % | 9,6 % | 26,9 % | 3,8 % | 8,5 % | 2,7 % |
| 2011 | 43,2 % | 16,6 % | 9,5 % | 23,5 % | 3,8 % | 3,3 % | |
| 2006 | 46,2 % | 19,8 % | 12 % | 15,7 % | 2,1 % | 4,1 % |
1 2006: WASG, sit 2011: Die Linke
S 1974 vum Innenministerium verlihe Wappe isch vu Dr. Alfred Simon folgendermasse gstaltet worre: „Under eme rote Schildhaupt, worin zwei chrüzti silberni Schneeschueh, gspalte vu Blau un Silber vorne dri cheilförmigi nooch rechts gstellti silberni Schibe, hinde e grüeni Danne.“
D Gründergmeie Feldberg, Bäredal un Aldglashütte, werre dur die dri Hauptfarbe rot, wiss un blau repräsentiert. Letzteri erinneret wohrschinlich au an die Verbundeheit zum ehemolige Fürstentum Fürsteberg. D Bedütig vu dr dri Chreis git Ruum zue einiger Spekulation. Entweder handelet es sich um Glaschugle, wo an d Vergangeheit vum Glaserhandwerch erinnere oder es handelet sich um die dri See, wo an d Gemarkig angrenze: Titisee, Windgfällweiher un Schluchsee. Si chönnte aber au d Einigkeit vu dr dri Deilgmeie symbolisiere.
Feldberg im Schwarzwald unterhaldet e Städtepartnerschaft mit La Clusaz im Haute-Savoie (Frankriich).
In Bäredal chrüze sich d Bundesstross 500 un 317. Sit em Bau vu dr Driseebahn 1926 befindet sich in Bäredal dr höchstgläge Bahnhof vu Dytschland an ere Regelspurstrecki. E witerer Hald vu dere Strecki befindet sich in Altglashütte. Diversi Linienbusse vu dr SBG uf un iber dr Feldberg runde s'Agebot ab.
In Aldglashütte befinde sich e Grundschuel un e Chinderschuel.
Dr Trägerverei vum Naturpark Südschwarzwald het si Sitz in Feldberg.
Im Winter isch dr Feldberg s schneesicherst Gebiet vum Schwarzwald un biitet demit zahlriiche Wintersportmöglichkeite.
Ganzjährig cha mer Wandere und fer Radfahrer gits ebefalls reizvolli Strecke.
Näbe dr jährliche Radio Regenbogen Gipfelparty un em Laurentius-Fest uf em Feldberg, findet in jedem Johr s Dorffest in Aldglashütte statt.
D Volksmüsikgruppe D Feldberger (ehemols D'Feldberger Spitzbuebe) stammt us dr Gmei. Ihr Sänger Hansy Vogt isch usserdem Fernsähmoderator bi dr ARD-Sendeastalt Südwestrundfunk un moderiert dert dr Fröhlich Fyrobe[3] un d Sunndigstour.[4] Usserdem het er d Comedy-Figur Frau Wäber[5] erfunde un isch demit regelmässig in dr TV-Sendig Fröhlicher Alldag[6] zsähe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
