From Wikipedia, the free encyclopedia
Ihringe isch e Gmeind westlich vun Friburg im Brisgau, am Südhang vum Kaiserstuehl gläge. Ihringe isch als Wiboiort un „wärmschte Ort vu Dytschland“ bekannt.
Dialäkt: Kaiserstielerisch |
Wappe | Ditschlandkart | |
---|---|---|
| ||
Basisdate | ||
Dialekt: | Alemannisch | |
Hauptvariante: | Nideralemannisch | |
Regionalvariante: | Oberrhialemannisch | |
Lokalvariante: | Kaiserstuehl | |
Bundesland: | Bade-Wirttebärg | |
Regierungsbezirk: | Friburg | |
Landkrais: | Brisgau-Hochschwarzwald | |
Heh: | 202 m i. NHN | |
Flech: | 23 km² | |
Iiwohner: |
6266 (31. Dez. 2022)[1] | |
Bevelkerungsdicht: | 272 Iiwohner je km² | |
Boschtlaitzahl: | 79241 | |
Vorwahl: | 07668 | |
Kfz-Kennzaiche: | FR | |
Gmeischlissel: | 08 3 15 059 | |
Gmaigliderung: | 2 Ortsdeil | |
Adress vun dr Gmaiverwaltung: |
Bachenstraße 42 79241 Ihringe | |
Webpräsenz: | ||
Burgermaischter: | Benedikt Eckerle | |
Lag vo de Gmai Ihringe im Landkrais Brisgau-Hochschwarzwald | ||
Ihringe lit in d Rhienebeni am Fuess vum Kaiserstuehl. D Kaiserstuehl isch ä erloschene Vulkan, un sini Häng sin meterhoch - bis zu 30 Meter - mit Less bedeckt. Während de Räbflurbereinigunge in de 1970er Johr sin üs de urspringliche kleine Räbterrasse grossi Terrasse gmacht woore, was vun viile als Sind an de Landschaft empfunde woore isch. Bi Flurbereinigunge in de letschte Joohr isch ma aber ä weng behuetsamer gsii.
D'Gmeind setzt sich zämme üs d Ortschafte Ihringe un Wasewiiler.
S'submediterrane Klima am Südhang vum Kaiserstuehl macht Ihringe zum Ort mit de hechste Johresdurschnittstemperature in Dytschland, was ai de Grund defiir isch, dass üs Ihringe so hervorragendi verschiideni Sortä Wii kumme.
Ihringe isch s erschte Mol 962 als Uringa in-erä Urkund erwähnt wore. Yber d'Markgrafschaft Bade-Durle isch es zum Grossherzogtum Bade kumme. Siter 1952 ghärt d Ort zue Bade-Wirttebärg.
Ihringe isch sitter där Reformation evangelisch; Wasewiiler isch aber remisch-katholisch blibe. Wäge däm isch ai in beide Ort ä Kirch. Z Ihringe stoht ä Evangelischi Kirch, wo anne 1874 nei baud woore isch. Z Wasewiler stoht am Berg d katholisch Kirch. Zue de Evangelische Kirchegmeind ghääre 3200, zu de Katholische 1600 Lit vu Ihringe un Wasewiiler.
Z Ihringe het s bis 1938 ai e jidischi Gmei gää. 1925 het s 125 jidischi Persone gää, 3,7 % vu dr Gsamtbevelkerig. Mittelpunkt fir d Gmei isch e 1864 fertiggschtellti Synagog gsii, wu ne Vorgängerboi ersetzt gha het. Wie an andere Ort isch ai des Bauwerk in der Pogromnacht dur Brandstiftig zerstert wore. Di jidisch Gmei het ai e Fridhof, wu weschtlich vu Ihringe noch bstoht. Er isch 1990 un 2007 stark gschändet wore.
Wasenwiiler isch s erschte Mol 1000 in-äre Urkund erwähnt wore. 1974 isch es zu Ihringe igmeindet wore.
Ergebnis vo dr Landdagswahle sit 2006:[2]
Johr | CDU | SPD | FDP | Grieni | Linki1 | AfD | Suschtigi |
2021 | 26,9 % | 11,5 % | 8,6 % | 34,7 % | 3,7 % | 6,4 % | 8,2 % |
2016 | 29,2 % | 14,7 % | 7,8 % | 31,2 % | 1,9 % | 11,9 % | 3,3 % |
2011 | 32,4 % | 28,5 % | 5 % | 27,0 % | 1,9 % | 5,2 % | |
2006 | 40,3 % | 30 % | 8,8 % | 13,5 % | 2,2 % | 5,3 % |
1 2006: WASG, sit 2011: Die Linke
Beidi Ortschafte sin mit Friburg im Brisgau und Brisach am Rhiin durch d S-Bahn (Brisgau-S-Bahn) mitenander verbunde.
Mit d Niinlindeschuel git's in Ihringe e Grund- un Hauptschuel, in Wasewiiler stot mit d Mambergschuel e reini Grundschuel. Zuesätzlich git's mit d Albertschuel ai noch e Ferderschuel. Üsserdem git's drei Kindergäärde, vu dene einer durch d evangelisch Kirch betribe wird.
In Ihringe git's e Heimetmuseum.
Es bstehn mehreri Orchester. S'wohl bekanntischt isch dr Fanfarezug Kaiserstüehler Herolde. Usserdem müsiziere dr Müsikverei Ihringe und in Wasewiiler d'Winzerkapelle Wasewiiler.
Die evangelisch Kirch isch des wohl am meischte besuecht Bauwerch vun Ihringe. Die kunstvolle Glasfenschter sin e Bsuech wert. Vieli Bsuecher füehle sich an de Mark Chagall erinneret. Aber Entwurf un Herstellig het dr Glaskinschtler Valentin Feuerstein üs Neckarsteine 1975/76 bsorgt. D'Fenschter verzelle elementari Gschichte üs dr Bible. Im Nordschiff finde sich zehe aldtestamentlichi Theme vun dr Schepfig bis zue dr Prophete. Im Sidschiff sin die zwelf Evangeliefenschter zu betrachte. Im estliche Chorruum zeigt sich s'Trinitätsfenschter, während zwei Großfenschter mit Darstellige üs dr Offebarig sich uf dr weschtliche Empore befinde. D'Kirch isch am Dag uf. E gleine Kirchefiehrer lit üs.
Jeder Summer finde d'Ihringer Widäg statt, 2012 vum 8. bis 12. Juni.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.