Sir Donald 'Don' Bradman (1908–2001) was ’n legendariese Australiese krieketspeler, een van die beste kolwers nóg.[2] Bradman word deur baie as die beste kolwer van alle tye gesien, alhoewel Sachin Tendulkar ook 'n sterk aanspraakmaker op die titel sou wees. Sy kolfgemiddelde van 99,94 in toetswedstryde word as 'n buitengewone prestasie beskou. Hy is tot vandag toe nog 'n bekende sportster in sy land.
| Sir Donald Bradman | ||||||
|---|---|---|---|---|---|---|
.jpg) | ||||||
| Donald Bradman in 1936 | ||||||
| Volle naam | Donald George Bradman | |||||
| Gebore | 27 Augustus 1908 Cootamundra, Nieu-Suid-Wallis, Australië | |||||
| Gesterf | 25 Februarie 2001 (op 92) Kensington Park, Suid-Australië, Australië | |||||
| Bynaam(e) | The Don, The Boy from Bowral, Braddles | |||||
| Lengte | 1,73 m[1] | |||||
| Kolfstyl | Regshandig | |||||
| Boulstyl | Regterarm | |||||
| Rol | Aanvangskolwer | |||||
| Internasionale geskiedenis | ||||||
| Nasionale span | Australië | |||||
| Toetsdebuut (no 124) | 30 November 1928 v Engeland | |||||
| Laaste Toets | 18 Augustus 1948 v Engeland | |||||
| Eersterangse spaninligting | ||||||
| Jaar(e) | Span | |||||
| 1927–1934 | Nieu-Suid-Wallis | |||||
| 1935–49 | Suid-Australië | |||||
| Loopbaanstatistiek | ||||||
| Kompetisie | Toets | 1e rang | ||||
| Wedstryde | 52 | 234 | ||||
| Lopies aangeteken | 6996 | 28067 | ||||
| Kolfgemiddeld | 99,94 | 95,14 | ||||
| 100s/50s | 29/13 | 117/69 | ||||
| Hoogste telling | 334 | 452 | ||||
| Aflewerings geboul | 160 | 2114 | ||||
| Paaltjies | 2 | 36 | ||||
| Boulgemiddeld | 36,00 | 37,97 | ||||
| 5 paaltjies in 'n kolfbeurt | 0 | 0 | ||||
| 10 paaltjies in 'n wedstryd | 0 | 0 | ||||
| Beste boulontleding | 1/8 | 3/35 | ||||
| Vangskote/Stonkings | 32/– | 131/1 | ||||
| Bron: Cricinfo, 4 Desember 2014 | ||||||
Donald George Bradman is op 27 Augustus 1908 in Cootamundra in Australië gebore, maar het in Bowral grootgeword. Hy het van 1928 tot 1948 toetskrieket gespeel.
Bradman maak sy debuut in die eerste toets teen Engeland. Sy loopbaan is vir agt jaar deur die Tweede Wêreldoorlog onderbreek. In sy 52 toetswedstryde en tagtig beurte het hy 29 honderdtalle aangeteken en 13 keer meer as vyftig lopies behaal. Vir twintig jaar was hy die jongste speler om 'n honderdtal aan te teken en hy het nog talle ander rekords agter sy naam. Een van sy rekords wat vandag nog staan is sy kolfgemiddelde van 99,94 lopies. Tydens sy laaste toets moes hy net vier lopies aanteken om sy kolfgemiddelde oor die 100 lopies te stoot. Hy kon egter geen lopies behaal nie en is uit vir 'n eier (nulletjie).
Hy is in 1948 tot ridder geslaan en in 1985 in Australië se Heldesaal vir Sport vereer. Tydens 'n stemming is hy as een van die grootste Australiërs van die 20ste eeu aangewys.
Bradman is op 25 Februarie 2001 in Kensington Park in Suid-Australië aan longontsteking oorlede. Hy was 92 jaar oud.[3]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
