From Wikipedia, the free encyclopedia
Alphekka of Alphecca is ’n dubbelster in die sterrebeeld Noordelike Kroon (Corona Borealis). Dit is sowat 75 ligjare van die Son af en bestaan uit twee hoofreekssterre, ’n A-tipe en G-tipe ster. Die dubbelster is ook bekend as Alpha Coronae Borealis (afgekort as α CrB).
Alphekka
| ||||
 | ||||
| Alphekka se ligging (in die rooi sirkel). | ||||
| Sterrebeeld | Noordelike Kroon | |||
| Bayer-naam | Alpha Coronae Borealis | |||
| Spektraaltipe | A0V/G5V[1] | |||
| Soort | Dubbelster | |||
| Waarnemingsdata (Epog J2000) | ||||
| Regte klimming | 15h 34m 41.268s[2] | |||
| Deklinasie | +26° 42′ 52.89″[2] | |||
| Skynmagnitude (m) | 2,23[3] (2,21 - 2,32)[4] | |||
| Absolute magnitude (M) | 0,16/5,05[1] | |||
| B-V-kleurindeks | -0,02[3] | |||
| U-B-kleurindeks | -0,03[3] | |||
| Besonderhede | ||||
| Massa (M☉) | α CrB A: 2,58[1] α CrB B: 0,92[1] | |||
| Radius (R☉) | α CrB A: 2,89-3.04[1][5] α CrB B: 0.90[1][5] | |||
| Ligsterkte (L☉) | α CrB A: 74[1] α CrB B: 0,81[1] | |||
| Ouderdom (jaar) | α CrB A: 0,314 miljard | |||
| Temperatuur (K) | α CrB A: 9 700[1] α CrB B: 5 800[1] | |||
| Rotasiespoed (km/s) | α CrB A: 139[6] α CrB B: <14[5] | |||
| Eienskappe | ||||
| Veelvoudigheid | 2 | |||
| Ander name | ||||
| Alpha Coronae Borealis, Gemma, Alphecca, Gnosia, 5 CrB, BD +27°2512, GCTP 3519.00, FK5 578, HD 139006, HIP 76267, HR 5793, SAO 83893 | ||||
| ||||
Alpha Coronae Borealis is ’n dubbelster waarvan die twee komponente elke 17,36 dae in ’n eksentrieke wentelbaan om mekaar wentel. Die periodiese eklipse veroorsaak ’n wisseling in skynbare magnitude van tussen 2,21 en 2,32, wat skaars met die blote oog sigbaar is.
Die primêre komponent is ’n wit hoofreeksster van spektraaltipe A0V en met ’n massa van 2,6 keer dié van die Son. Ramings van sy radius wissel tussen 2,89 en 3,04 keer die Son s’n.[1][5] ’n Oormaat infrarooibestraling by 24 μm en 70 μm is waargeneem.[7] Dit dui op die teenwoordigheid van ’n groot skyf stof om Alphekka, asook die moontlikheid van ’n protoplanetêre skyf soortgelyk aan die een wat vermoedelik om Vega voorkom. Die skyf strek uit tot op ’n afstand van sowat 60 AE van die ster af.[8]
Die sekondêre komponent is ’n geel hoofreeksster met ’n geraamde klassifikasie van G5 en ’n massa van 0,92 keer dié van die Son en ’n radius van 0,9 keer die Son s'n. Sy X-straalligsterkte is 6 × 1028 erg s-1, wat 30 keer groter is as die topaktiwiteit van die Son. Hierdie hoër aktiwiteit is te wagte van ’n jong ster van hierdie klas. Sy korona het ’n temperatuur van sowat 5 miljoen K, wat baie warmer as die Son s’n is.
Alphekka is vermoedelik lid van die Ursa Major-groep sterre wat saam deur die ruimte beweeg.[9]
Die ster se Bayer-naam is "Alpha Coronae Borealis". Die tradisionele name is onder meer "Alphekka" (of "Alphecca"), "Gemma" en "Gnosia". Alphekka is Arabies, kort vir نير الفكّة nayyir al-fakka "die helder (ster) van die gebroke (ring sterre)". Gemma is Latyn vir "juweel". Gnosia is ook Latyn, kort vir Gnōsia stella corōnæ "ster van die kroon van Knossos".[10] Die Internasionale Astronomiese Unie se sternaamwerkgroep het "Alphekka" gekies as die amptelike naam.[11] As die helderste ster van die Noordelike Kroon het dit sy naam verleen aan Alphekka Meridiana, die helderste ster van die Suidelike Kroon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
