From Wikipedia, the free encyclopedia
Geografies beslaan die Hoëveld 'n groot deel van die land naamlik Gauteng, die grootste deel van Mpumalanga, die Vrystaat en, volgens hoogte, 'n groot deel van Noordwes en die Noord-Kaap. Die hoogte bo seespieël wissel van 1 200 m tot 1 800 m. Plantegroei is hoofsaaklik boomlose savanne; reënval wissel van so min as 400 mm in die verre suide tot 900 mm in die noordooste. Dit is ʼn somerreënvalgebied en reën val dikwels in die vorm van swaar donderstorms. Winters is gewoonlik 'n opeenvolging van matige wolklose dae, maar dit kan snags baie koud word, veral in die suide.
Hoëveld | ||||
Ekostreek | ||||
![]() | ||||
WWF-kode | AT1009 | |||
Bioom | Berggrasveld en -struikveld | |||
Ekosone | Afrotropiese gebied | |||
Floraryk | Paleotropis | |||
Oppervlakte | 186 220 km² | |||
Beskerm | % | |||
![]() | ||||
Die Hoëveld in die winter oor Gauteng, net noord van Johannesburg. | ||||
|
Die meeste van die land se mielies word in die Hoëveld verbou. Die streek dra ook onder andere die volgende produkte tot die nasionale spens by: bees- en skaapvleis, graansorghum, sonneblomsaad, grondbone, aartappels en ander groente.
Die Hoëveld bevat 'n skatkamer van minerale. Die wêreld se rykste goudrif word in Gauteng en in die noordwestelike Vrystaat in van die diepste myne ter wêreld ontgin. Gauteng is die nuwerheidshartland van die land. Diamante word by die Premiermyn naby Pretoria gemyn, waar die wêreld se grootste diamant, die Cullinan, gevind is. Die land se grootste steenkoolmyne en Eskom se kragsentrales is in Mpumalanga geleë.
|
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.