中國京城
From Wikipedia, the free encyclopedia
中國史上,有好多地方做過京城,即係一國皇帝或者阿頭嘅駐地。中國地域變化好大,時分時合,所以唔同時間、唔同國,都有唔同京城。有時甚至會一國幾個京,積落來都好多城做過京城。
京城通常會加個京字,又或者別名有個京字。京字用法可以追到去西周。京字原本係高嘅山,又係戰死嘅人高墳。所以京引申做大意思,而京師就係大而眾,又大又多人嘅地方,天子就住響度[1]。
周代諸侯國,有宗廟嘅叫都,冇宗廟嘅叫邑[2][3]。所以呢啲國裏面,都同邑都有類以京嘅作用,意思有時會互借,例如京都咁。所以近代譯西方 Capital 做首都,意思係一國諸城之首。
皆因兩岸分治,家下中國有兩個京城,中華人民共和國嘅京城係北京;中華民國嘅實際京城係臺北,無法定京城,傳統上認為係響南京。