字典

本文介紹字典、詞典及辭典等供人查閲字詞形音義嘅工具書。^[1]粵人講閒話時，興以「字典」指以上任何一至三項；查字典係唯一常用配搭。^[2]辭書用嚟通稱以上兩類書籍以及百科全書等種種。^[3]

拉丁文字典

意大利文字典

《粵典》嘅撈稿；《粵典》係一本香港嘅粵語網絡字典，以粵語同英文雙語釋粵語嘅字詞。

世上唔少地方，書寫都按音為主，佢哋每種往往只有少量字母同符號，順序固定。而唐字就千變萬化，有濃厚嘅象形色彩，無固定排法，排字會跟五花八門嘅檢字方法——分類、部首、筆劃、聲韻、編碼都有，就算係同一部著作，都可能會整多過一個版本——跟韻母排嘅，啱寫詩同填詞用家；跟部首或筆劃排嘅，輔助到閲讀；跟聲母排嘅，寫作時幫到手……而同一個版本嘅書亦都可能會附帶啲檢字表，方便啲人用其他順序揾到字嘅介紹之所在頁數。

中文

内文：漢字字典

内文：中文字典

内文：字

「字典」，收集字，顯示寫法，解釋意思，記載讀音，舊時叫字書。

爾雅、說文、玉篇、切韻、唐韻、廣韻、集韻、正字通、康熙字典等等，通通都應歸入字書，然而唐人鍾意再細分，故此有種種名目。

按此定義，及後衍生出字彙、「字典」、「辭典」、「詞典」等名目，都歸為同類。顧名思義，認真傳意時，書名之中有「字」無「詞／辭」嗰啲篇幅較短，主要係逐個單字説明，亦有部份會攋到些少非單字詞語，相反嘅話，除咗會提到各個單字嘅意思，重將多字詞語逐個介紹，而由於詞語嘅數目多過單字好多，因此詞典往往比字典長得多。然而，字典嘅項目數量都可以好多，皆因中文之中有無數意思同讀音重覆嘅異體字，以及冇乜現代人用嘅生僻字。韻書係按韻排序嘅字典／詞典。

字典一字，取自康熙字典，序文有寫^[4]。康熙字典同其他字書唔同，一般字書只列出自己一家之言。而康熙字典並非自家述作，反而收納前人字書，以祈形音義俱全，有漏就補前人經典同注疏， 唔夠再有前人詩文補上。項項皆有出典，故此叫典。然而後世自稱為字典、辭典、詞典嘅，大多言過其實，音義例多數無出處。

以現代語言學標準計，「詞（語）」可以得一個單字，並唔係最少要有兩個。^[5]

西洋文

華夏同西洋文字構成唔同，字書構成亦大有分別。

西洋大多為屈折語，會睇重字根，將變化歸入一字，如英文動字，表示過去而屈折、表示現行而屈折，會合拼去一字來寫，唔會分開。如日文咁黏着語，字尾黐埋去字度，改變字義，如表示過去咁。咁所衍生會拼入去以基本字，當做一字來寫。傳統上依啲叫字，由字母組成。馬禮遜有段「英吉利國字語小引」，就係咁稱呼英文字^[6]。

每種西洋語言，都只係得數以十計嘅字母；得一個字母至乃至由一堆字母噉樣砌埋一齊而成，而當中無空格又有意義嘅嘢，叫做「（單）字」／「（單）詞」（兩者可以互換）。^[7][8]另外，「字典」、「詞典」及「辭典」同義。^[9][10][11]

誇語言類

數碼及機器類

内文：電子詞典

内文：字典軟件

特別用途類

上述講嘅係一般字典；有啲字典嘅應用範圍好細，只會收錄形、音同義之一或二，以及適用於某指定行業嘅專門資料。

攷

1. 〈Dictionary - 字典；辭典〉。terms.naer.edu.tw。喺2021-12-21搵到。
2. 〈牛津英語詞典舊字新解令人搲頭〉。《on.cc東網》 (香港中文)。2014-05-18。喺2021-12-21搵到。
3. 教育部,卡米爾。〈教育百科 | 教育雲線上字典〉。pedia.cloud.edu.tw (臺灣中文)。喺2021-12-21搵到。
4. 〈序〉。
5. 〈存档副本〉 (PDF)。原著 (PDF)喺2021年12月21號歸檔。喺2021年12月21號搵到。
6. "A Dictionary of the Chinese Language: English and Chinese".
7. 〈存档副本〉 (PDF)。原著 (PDF)喺2018年10月25號歸檔。喺2021年12月21號搵到。
8. http://images.io.gov.mo/bo/i/2016/09/despsasc-19-2016.pdf
9. 〈英文字根字典〉。www.las.ac.cn。喺2021-12-21搵到。
10. 〈网络时代新词汇充斥英文辞典〉。《BBC 英伦网》 (簡體中文)。2011-08-25。喺2021-12-21搵到。
11. 自由時報電子報 (2021-04-02)。〈自由廣場》豆油進了英文詞典 - 自由評論網〉。《自由時報電子報》。喺2021-12-21搵到。