檢字

檢字，搵唐字嘅方法，亦稱檢字法，用喺字典字書。古法以分類、部首、韻音檢字。自大清有康熙字典，佢部首配筆劃檢字，成為主流。現代有筆劃、編碼、拼音等等檢字。電腦流行後，亦有輸入法、以及字集內碼、交換碼嘅檢字。

字母組成嘅文字，通常定出習慣次序。而唐字自始就無固定次序，而且數量甚大，就衍生種種檢字方法。

史

漢之前檢字法不明。漢時開始見到唔少宇書，從而有檢字法。如爾雅為字分類，從而按類搵字。說文就多一步，按字結構同字義，歸入五百四十個部首。

佛敎流行後，聲明學分析唐字讀音，以聲母韻部歸納，結果有隋時切韻依類韻書，以音搵字。

大明梅膺祚寫咗本字彙，以說文五百四十個部首，縮成二百一十四個。依種檢字，大清時出嘅康熙字典，都照單收用。

大清時，法國駐華嘅威基傑為唐字編碼，為中文電碼先驅。中華民國之時， 王雲五參攷電報編碼，發明四角號碼檢字。

西洋傳教士來華，為咗傳教，亦以拉丁字母拼音，編成字書。好似馬禮遜寫咗廣東省土話字彙，第二部份就以拉丁字母拼音，按字母序排出用語，以便檢字。

拼音唔限於拉丁字母，日文假名，韓文諺文，皆可拼出字音，同唐字排序，方便檢字。中華民國時創制注音符號，亦得來檢字。

電腦流行後，各方亦編制字集，為隻隻字加編號，方便電腦記低取用同檢字，電腦內用稱為內碼。然而各家各有字集，電腦處理能力各遇，大細唔同，故此內碼唔同，不能互通。故此，各家互通亦訂定交換碼。內碼交換碼都有固定字集，可為檢字之用。統一碼出現之前，以中文資訊交換碼字集至大，但唔流行，只用於大型圖書館，以便檢字。及後統一碼，有世界先有通用字集，字方有固定編碼。

話就有編碼，方便電腦檢字。然而數字排序唔方便人檢字。故此，各家亦設有輸入法。由於世界大多數鍵盤，鍵數非常有限。要電腦喺二三十個鍵，電話甚至只有十個鍵左右，要打出數以萬個字。康熙字典部首難以擺得落。輸入必須另搵方法編碼，以祈有快速輸入。以拼音法固然其中一種，其他以拆字形、筆劃亦另一種。當中較流行以倉頡碼為首，五筆碼亦流行。其他諸家有更快輸入法。如此可以盡快檢字。