![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/92/Commander-in-Chief_Flag_of_the_Republic_of_China.svg/langzh-min-nan-640px-Commander-in-Chief_Flag_of_the_Republic_of_China.svg.png&w=640&q=50)
Tiong-hôa Bîn-kok chóng-thóng
From Wikipedia, the free encyclopedia
Tiong-hôa Bîn-kok chóng-thóng (中華民國總統) sī Tiong-hôa Bîn-kok ê kok-ka goân-siú, chit-ūi tī 1948 nî siat-li̍p, kè-sêng Kok-bîn Chèng-hú chú-se̍k ê chit-lêng. In-ūi 1949 nî Kok-kiōng Lāi-chiàn liáu-āu, Tiong-hôa Bîn-kok ê thóng-tì hoān-ûi kio̍k-hān tī Tâi-oân tē-khu, só͘-tì bîn-kan ia̍h-sī kok-chè-siōng, mā kā Tiong-hôa Bîn-kok chóng-thóng hō-chò Tâi-oân chóng-thóng (臺灣總統).
Tiong-hôa Bîn-kok ê chóng-thóng | |
---|---|
![]() Tiong-hôa Bîn-kok thóng-sòe-kî | |
Chun-chheng | sian-siⁿ/lú-sū, koh-hā |
Cho͘-chit sêng-oân | Kok-ka An-choân Hōe-gī |
Koan-tí | Tiong-hôa Bîn-kok Chóng-thóng Koaⁿ-tí |
Ki-koan só͘-chāi |
![]() |
Jīm-bēng | Kong-bîn ti̍t-chiap soán-kí |
Jīm-kî | 4 tang (thang liân-soán liân-jīm 1 pái) |
Hoat-lu̍t bûn-su |
Tiong-hôa Bîn-kok Hiàn-hoat, Tiong-hôa Bîn-kok Hiàn-hoat Cheng-siu Tiâu-bûn |
Chiân-sin | Kok-bîn Chèng-hú chú-se̍k |
Thâu chit jīm | Chiúⁿ Kài-se̍k |
Siat-li̍p | 1948 nî 5 goe̍h 20 ji̍t; 76 nî í-chêng (1948-05-20) |
Hù-koan | Tiong-hôa Bîn-kok hù-chóng-thóng |
Kang-chu | Ta̍k-kò-goe̍h Sin-tâi-phiò 53.1 bān (2024 nî) |
Bāng-chām | Tiong-hôa Bîn-kok Chóng-thóng-hú |
Àn-chiàu Tiong-hôa Bîn-kok Hiàn-hoat, chóng-thóng tùi-gōa tāi-piáu Tiong-hôa Bîn-kok, thang hêng-sú tē-kiat tiâu-iok, soan-chiàn, kóng-hô chi khoân; tùi-lāi thang i-hoat kong-pò͘ hoat-lu̍t, hoat-pò͘ bēng-lēng, soan-pò͘ kài-giâm, hêng-sú tōa-sià, te̍k-sià, kiám-hêng, í-kip ho̍k-khoân chi khoân, koh thang jīm-bián bûn, bú koaⁿ-oân, kap siū-ú êng-tián (授與榮典). Tiong-hôa Bîn-kok chóng-thóng mā sī sam-kun thóng-sòe, thóng-sut choân-kok lio̍k, hái, khong khun.